ವಾಣಿಜ್ಯ

ಸಾಮಾನ್ಯವಾಗಿ ಸೆಲಬ್ರೆಟಿಗಳು ಅಂದ್ರೆ ಅವ್ರ ಬಳಿ ಐಷಾರಾಮಿ ಕಾರುಗಳಿರೋದು ಕಾಮನ್ …ಅದೇ ರೀತಿ ನಟ ದರ್ಶನ್ ಬಳಿ ಸಾಕಷ್ಟು ಕಾರ್ ಗಳಿವೆ …ದರ್ಶನ್ ಅವ್ರಿಗೆ ಕಾರ್ ಕ್ರೇಜ್ ಕೊಂಚ ಹೆಚ್ಚಾಗಿಯೇ ಇದೆ…ಇನ್ನು ಯಶ್ ಅವ್ರಿಗೆ ಕಾರ್ ಕ್ರೇಜ್ ಇಲ್ಲವಾದರೂ ಅಗತ್ಯಕ್ಕೆ ತಕ್ಕಂತೆ ಕಾರ್ ಗಳನ್ನ ಖರೀದಿ ಮಾಡಿದ್ದಾರೆ… ಜೋಡೆತ್ತುಗಳು ಎಂದೇ ಕರೆಸಿಕೊಳ್ಳುವ ದರ್ಶನ್ ಮತ್ತು ಯಶ್ ಕೋಟಿ ಮೌಲ್ಯದ ಕಾರು ಖರೀದಿಸಿದ್ದಾರೆ. ದರ್ಶನ್ ಅವರಿಗೆ ಕಾರುಗಳ ಕ್ರೇಜ್ ಹೆಚ್ಚು. ದಚ್ಚು ಕಾರುಗಳ ಕಲೆಕ್ಷನ್ ನಲ್ಲಿ ಹಲವು ಲಕ್ಸುರಿ ಕಾರುಗಳಿವೆ. ಅವರ ಬಳಿ ಎಲ್ಲಾ ರೀತಿಯ ಹೊಸ ಮಾಡೆಲ್ನ ಕಾರುಗಳನ್ನ ನೋಡಬಹುದು. ಅವರು ಈಗಾಗಲೇ ಜಾಗ್ವಾರ್, ಆಡಿ‌ಕ್ಯೂ-7, ರೇಂಜ್ ರೋವರ್, ಲ್ಯಾಂಬೋರ್ಗಿನಿ ಸೇರಿ ಹತ್ತು ಹಲವು ಕಾರುಗಳನ್ನು ಹೊಂದಿದ್ದಾರೆ. ಈಗ ದರ್ಶನ್ ಕಾರುಗಳ ಕಲೆಕ್ಷನ್ ಗೆ ವೈಟ್ ಕಲರ್ನ ಟೊಯೋಟಾ ವೆಲ್ಫೇರ್ ಕಾರ್ ಸೇರಿಕೊಂಡಿದೆ. ಅಬ್ಬಾ 90 ಲಕ್ಷ ಇರೋ ಕಾರಿನ ಆನ್ ರೋಡ್ ರೇಟ್ 1 ಕೋಟಿ 20 ಲಕ್ಷ…. ದರ್ಶನ್ ಹಾಗೂ ಯಶ್ ಟೊಯೋಟಾ ವೆಲ್ ಫೇರ್ ಕಾರು ಖರೀದಿಸಿದ್ದು..ದರ್ಶನ್ ತಮಗಾಗಿ ಕಾರ್ ಖರೀದಿ ಮಾಡಿದ್ರೆ.. ರಾಕಿಂಗ್ ಸ್ಟಾರ್ ಯಶ್ ಅವರು ಅವರ ತಾಯಿಗೆ ಈ ಕಾರನ್ನು ಗಿಫ್ಟ್ ಆಗಿ ನೀಡಿದ್ದಾರೆ…

“ಆನ” ಇದೊಂದು ಹೊಸ ಪ್ರಯೋಗ ಇರುವ ಸಿನಿಮಾ. ಮಹಿಳೆ ಮುಖ್ಯ ಭೂಮಿಕೆಯಲ್ಲಿರುವ ಸೂಪರ್ ವುಮನ್ ರೀತಿಯ ಸಿನಿಮಾ ಇದಾಗಿದೆ. ಭಾರತೀಯ ಸಿನಿರಂಗದಲ್ಲಿ ಈ ರೀತಿಯ ಸಿನಿಮಾ ಇದೇ ಮೊದಲ ಬಾರಿಗೆ ನಿರ್ಮಾಣವಾಗಿದೆ. ಈ ಸಿನಿಮಾವನ್ನು ಮನೋಜ್ ಪಿ ನಡಲುಮನೆ ಎಂಬ ಹೊಸ ಪ್ರತಿಭೆ ನಟಿಸಿ ನಿರ್ದೇಶನ ಮಾಡಿದ್ದಾರೆ. ಇದು ಮನೋಜ್ ಅವರ ಚೊಚ್ಚಲ ಸಿನಿಮಾ. UK productions ಅಡಿಯಲ್ಲಿ ಶ್ರೀಮತಿ ಪೂಜಾ ವಸಂತ ಕುಮಾರ್ ಅವರು ನಿರ್ಮಾಣ ಮಾಡಿದ್ದಾರೆ. ರಿತ್ವಿಕ್ ಮುರಳೀಧರ್ ಎಂಬುವರು ಸಂಗೀತ ನೀಡಿದ್ದಾರೆ. ಇದೊಂದು horror thriller ಸಿನಿಮಾ. ನಟಿ ಅಧಿತಿ ಪ್ರಭುದೇವ ಹಾಗೂ ಸುನಿಲ್ ಪುರಾಣಿಕ್ ಅವರು ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಿದ್ದಾರೆ. ಹೇಗೆ ವಿಭಿನ್ನ ಶಕ್ತಿಯುಳ್ಳ ಒಬ್ಬ ಮಹಿಳೆ ಒಳಿತು ಕೆಡುಕುಗಳ ಬಗ್ಗೆ ಹೋರಾಡುತ್ತಾಳೆ. ಹೇಗೆ ತನ್ನ ಇರುವಿಕೆಯನ್ನು ನಿರೂಪಿಸುತ್ತಾಳೆ ಎಂಬ ಕಥಾಹಂದರವನ್ನು ಹೊಂದಿರುವ ಅಪರೂಪದ ಸಿನಿಮಾ ಆನ. ಸ್ವಾರ್ಥ,ದ್ವೇಷ, ಅಸೂಯೆ ತುಂಬಿರುವ ಜನರಿರುವ ಜಗದಲ್ಲಿ ಒಬ್ಬ ಮಹಿಳೆಯ ಹೋರಾಟವನ್ನು ವಿಭಿನ್ನ ರೀತಿಯಲ್ಲಿ ನಿರ್ದೇಶಕ ಮನೇಜ್ ಆನ ಸಿನಿಮಾದಲ್ಲಿ ತೋರಿಸಿದ್ದಾರೆ. ಸ್ಯಾಂಡಲ್ ವುಡ್ ನಲ್ಲಿ ತಮ್ಮದೇ ಆದ fan following ಹೊಂದಿರುವ ನಟಿ ಅಧಿತಿ ಪ್ರಭುದೇವ ಇದೀಗ ಹೊಸದಾದ ಹಾಗೂ ವಿಭಿನ್ನ ಪಾತ್ರದಲ್ಲಿ “ಆನ” ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ವಿಭಿನ್ನ ರೀತಿಯ ಸಿನಿಮಾ ಇದೇ ಡಿಸೆಂಬರ್ 17 ರಂದು ತೆರೆಗೆ ಬರಲಿದೆ. All the best to team “ಆನ”.

ನಟ ಯಶಸ್ ಸೂರ್ಯ ಅಭಿನಯದ ಗರಡಿ‌ ಸಿನಿಮಾ ಇನ್ನು ಕೆಲವೇ ದಿನಗಳಲ್ಲಿ ಚಿತ್ರೀಕರಣ ಶುರು ಮಾಡಲಿದೆ…ಯಶಸ್ ಸೂರ್ಯ ಸಿನಿಮಾದಲ್ಲಿ ನಾಯಕನಾಗಿ ಅಭಿನಯ ಮಾಡುತ್ತಿದ್ದು ಸಿನಿಮಾವನ್ನ ಯೋಗರಾಜ್ ಭಟ್ ನಿರ್ದೇಶನ ಮಾಡುತ್ತಿದ್ದಾರೆ… ಚಿತ್ರಕ್ಕೆ ಬಿ ಸಿ ಪಾಟೀಲ್ ಬಂಡವಾಳ ಹಾಕುತ್ತಿದ್ದಾರೆ… ಈಗಾಗಲೇ ಬಿಸಿ ಪಾಟೀಲ್ ಹುಟ್ಟುಹಬ್ಬದಂದು ಸಿನಿಮಾದ ಮುಹೂರ್ತ ಮಾಡಿ ಮುಗಿಸಿದೆ ಚಿತ್ರತಂಡ… ಇನ್ನು ಗರಡಿ ಸಿನಿಮಾ ತಂಡದಿಂದ ಹೊಸ ಸುದ್ದಿಯೊಂದು ಬಂದಿದ್ದು, ಚಿತ್ರಕ್ಕೆ ನಟಿ ರಚಿತಾ ರಾಮ್ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ ….ಈಗಾಗಲೇ ತಿಳಿದಿರುವಂತೆ ಚಿತ್ರದಲ್ಲಿ ದರ್ಶನ್ ಕೂಡ ಸ್ಪೆಷಲ್ ಅಪೀರಿಯೆನ್ಸ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.. ಒಟ್ಟಾರೆ ಗರಡಿ ಸಿನಿಮಾ ಬಿಗ್ ಬಜೆಟ್ ನಲ್ಲಿ ದೊಡ್ಡ ಮಟ್ಟದಲ್ಲಿ ಮೂಡಿ ಬರೋದು ಕನ್ಫರ್ಮ್ ಆಗಿದೆ …

ಯೋಗರಾಜ್ ಸಿನಿಮಾಸ್ ಹಾಗು ರವಿ ಶಾಮನೂರ್ ಫಿಲಂಸ್‌ರವರು ಜಂಟಿಯಾಗಿ ನಿರ್ಮಿಸಿ ಹರಿಪ್ರಸಾದ್ ಜಯಣ್ಣ ನಿರ್ದೇಶಿಸುತ್ತಿರುವ ‘ಪದವಿಪೂರ್ವ’ ಚಿತ್ರತಂಡ ಒಂದಲ್ಲ ಒಂದು ವಿಚಾರಕ್ಕೆ ಸುದ್ದಿ ಮಾಡುತ್ತಲೇ ಇದೆ.. ಇತ್ತೀಚೆಗಷ್ಟೇ ಸಿನಿಮಾತಂಡಕ್ಕೆ ನಟಿ ದಿವ್ಯ ಉರುಡುಗ ಸೇರಿಕೊಂಡಿದ್ದರು ಈಗ ಯುವ ನಟ ‘ಪ್ರಭು ಮುಂದ್‌ಕುರ್’ ಅತಿಥಿ ಪಾತದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ… .ಉರ್ವಿ’ ‘ಡಬಲ್ ಇಂಜಿನ್’ ‘ರಿಲ್ಯಾಕ್ಸ್ ಸತ್ಯ’ ಚಿತ್ರಗಳಲ್ಲಿ ನಾಯಕನ ಪಾತ್ರ ನಿರ್ವಹಿಸಿ ‘ಮೈಸೂರ್ ಡೈರೀಸ್’ ‘ರಾಂಚಿ’ ಹಾಗೂ ‘ಮರ್ಫಿ’ ಎಂಬ ಸಾಲು ಸಾಲು ಚಿತ್ರಗಳಲ್ಲಿ ಅವಕಾಶ ಗಿಟ್ಟಿಸಿರುವ ಪ್ರಭು ಸದ್ಯ ಪದವಿಪೂರ್ವ ಚಿತ್ರದ ಮೂಲಕ ಭಟ್ಟರ ಶಿಷ್ಯವೃಂದದ ಜೊತೆ ಸೇರಿದ್ದಾರೆ. ಚಿತ್ರದ ಐದನೇ ಹಂತದ ಚಿತ್ರೀಕರಣ ಮೊನ್ನೆಯಷ್ಟೇ ಬೆಂಗಳೂರಿನಲ್ಲಿ ಪ್ರಾರಂಭವಾಗಿ ಎರಡು ದಿನಗಳ ಕಾಲ ಚಿತ್ರೀಕರಣ ನಡೆಸಿದ್ದು, ಅದರ ಮುಂದುವರಿದ ಭಾಗವಾಗಿ ಇದೇ ತಿಂಗಳ 13ಕ್ಕೆ ಮಂಗಳೂರಿನಲ್ಲಿ ಚಿತ್ರೀಕರಣ ನಡೆಸಲು ಚಿತ್ರತಂಡ ಸಕಲ ಸಿದ್ಧತೆ ನಡೆಸಿದೆ…. ಹೊಸಬರ ದಂಡೇ ಇರುವ ಈ ಚಿತ್ರಕ್ಕೆ ಯುವ ಪ್ರತಿಭೆ ಪೃಥ್ವಿ ಶಾಮನೂರು ನಾಯಕನಾದರೆ, ಅಂಜಲಿ ಅನೀಶ್ ಮತ್ತು ಯಶ ಶಿವಕುಮಾರ್ ನಾಯಕಿಯಾಗಿ ಅಭಿನಯಿಸಿದ್ದಾರೆ.

ನಟ ಪುನೀತ್ ರಾಜ್ ಕುಮಾರ್ ಕನಸಿನ ಪ್ರಾಜೆಕ್ಟ್ ಗಂಧದಗುಡಿ ಡಾಕ್ಯುಮೆಂಟರಿಯ ಟೀಸರ್ ಇಂದು ಬಿಡುಗಡೆಯಾಗಿದೆ… ಪುನೀತ್ ಜೀವನದಲ್ಲಿ ಕಂಡಿದ್ದ ಅದ್ಭುತ ಕನಸಿನ ದೃಶ್ಯಗಳನ್ನು ಇಂದು ಅಭಿಮಾನಿಗಳು ಕಣ್ತುಂಬಿಕೊಂಡಿದ್ದಾರೆ.. ಕರುನಾಡಿನ ಪ್ರಕೃತಿ ವೈಭವವನ್ನು ಪ್ರೇಕ್ಷಕರ ಮುಂದಿಡುವ ಪ್ರಯತ್ನವೇ ಗಂಧದಗುಡಿ ಡಾಕ್ಯುಮೆಂಟರಿ…ಅಮೋಘವರ್ಷ ನಿರ್ದೇಶನದ ಪಿಆರ್ ಕೆ ಪ್ರೊಡಕ್ಷನ್ ನಲ್ಲಿ ಈ ಡಾಕ್ಯುಮೆಂಟರಿ ಶೂಟ್ ಆಗಿದ್ದು ಸದ್ಯ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿವೆ… 2022ಕ್ಕೆ ಈ ಕಂಪ್ಲಿಟ್ ಡಾಕ್ಯುಮೆಂಟರಿ ಸಿನಿಮಾ ರೀತಿಯಲ್ಲಿ ಥಿಯೇಟರ್ ನ ಪರದೆ ಮೇಲೆ ಮೂಡಿ ಬರಲಿದೆ… ಸದ್ಯ ಟೀಸರ್ ನೋಡಿರುವ ಪ್ರೇಕ್ಷಕರು ಥಿಯೇಟರ್ ನಲ್ಲಿ ಸಿನಿಮಾ ನೋಡಲು ಕಾತುರರಾಗಿದ್ದಾರೆ …ಇನ್ನೂ ಟೀಸರ್ ನಲ್ಲಿ ಕಾಡಿನ ದೃಶ್ಯಗಳು ..ಪ್ರಾಣಿ ಸಂಕುಲಹಾಗೂ ಕರುನಾಡಿನ ಪ್ರಕೃತಿ ವೈಭವ ಮತ್ತು ಜಲಪಾತಗಳು ಹೀಗೆ ಕರುನಾಡಿನ ಮೂಲೆ ಮೂಲೆಯಲ್ಲಿ ಇರುವಂತಹ ಪ್ರಕೃತಿ ಸೊಬಗನ್ನ ಕಣ್ಣಮುಂದೆ ತರೋ ಪ್ರಯತ್ನ ಮಾಡಿದ್ದಾರೆ ಪುನೀತ್ ರಾಜ್ ಕುಮಾರ್…

ನಾಳೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಕಂಡಿದ್ದ ಬಹುದಿನದ ಕನಸು ನನಸಾಗುವ ದಿನ…ಪುನೀತ್ ನಿರ್ದೇಶಿಸಿ ನಿರ್ಮಾಣ ಮಾಡಿರೋ ಗಂಧದ ಗುಡಿ ಡಾಕ್ಯುಮೆಂಟರಿ ಬಿಡುಗಡೆಗೆ ಸಮಯ ನಿಗಧಿಯಾಗಿದೆ‌‌‌‌..ಅಪ್ಪು‌ಅವ್ರ ಪಿ ಆರ್ ಕೆ ಆಡಿಯೋ ಯ್ಯೂಟ್ಯೂಬ್ ಚಾನೆಲ್ ನಲ್ಲಿಯೇ ವಿಡಿಯೋ ರಿಲೀಸ್ ಆಗಲಿದೆ… ಬೆಳಗ್ಗೆ 10 ಗಂಟೆಗೆ ಬಿಡುಗಡೆ ಆಗಲಿದೆ…ಕರುನಾಡಿನ ನಿಸರ್ಗದ ವೈಭವನ್ನ ಸಾರೋ ಡಾಕ್ಯುಮೆಂಟರಿ ಇದಾಗಿದ್ದು ಡಾಕ್ಯೂಮೆಂಟರಿಯ ಟೈಟಲ್ ಟೀಸರ್ ನಾಳೆ ರಿಲೀಸ್ ಆಗಲಿದೆ…ಪುನೀತ್ ರಾಜ್ ಕುಮಾರ್ ಕ‌ನ್ನಡ ರಾಜ್ಯೋತ್ಸವ ಕ್ಕೆ ಟೈಟಲ್ ಟೀಸರ್ ಲಾಂಚ್ ಮಾಡೋದಕ್ಕೆ‌ ನಿರ್ಧರಿಸಿದ್ರು..ಆದ್ರೆ ಪುನೀತ್ ನಿಧನದಿಂದ ಅದು ಸಾಧ್ಯವಾಗಿಲ್ಲಈಗ ಅಪ್ಪು ಕನಸನ್ನ ಅಶ್ವಿನಿ ಪುನೀತ್ ರಾಜ್ ಕುಮಾರ್ ಮುಂದೆ ನಿಂತು ನೆರವೇರಿಸುತ್ತಿದ್ದಾರೆ….

ಅಪ್ಪು ನಮ್ಮೆಲ್ಲರನ್ನ ಅಗಲಿ ತಿಂಗಳು ಕಳೆದಿದೆ…ಅಪ್ಪು ಇಲ್ಲ ಅನ್ನೋದು ಸತ್ಯ ಆದ್ರು ಅವ್ರ ನೆನಪು ಮಾತ್ರ ಪ್ರತಿಕ್ಷಣ ಕಾಡುತ್ತಲೇ ಇದೆ…ಅಪ್ಪು ನೆನಪಿನಲ್ಲಿ ಪುನೀತ್ ರಾಜ್‍ಕುಮಾರ್ ಸ್ಮರಣಾಂಜಲಿ ಕಾರ್ಯಕ್ರಮ ಆಯೋಜನೆ ಮಾಡಲಾಗಿತ್ತು ಆರ್ಯ ಈಡಿಗರ ಸಂಘದ ವತಿಯಿಂದ ಕಾರ್ಯಕ್ರಮ ಆಯೋಜಿಸಿದ್ದು ಕಾರ್ಯಕ್ರಮದಲ್ಲಿ ನಟ ಶಿವರಾಜ್ ಕುಮಾರ್ , ನಟ ವಿಜಯ್ ರಾಘವೇಂದ್ರ, ಶ್ರೀಮುರಳಿ,ನಟಿ ಜಯಮಾಲಾ,ಪುನೀತ್ ಅಕ್ಕ ಲಕ್ಷ್ಮೀ,ಚಿನ್ನೆಗೌಡ ಇನ್ಮು ಅನೇಕರು ಭಾಗಿಯಾಗಿದ್ರು… ಪುನೀತ್ ಸ್ಮರಣಾರ್ಥ ರಕ್ತದಾನ ಮತ್ತು ನೇತ್ರದಾನ ಶಿಬಿರವನದನು ಆಯೋಜನೆ ಮಾಡಲಾಗಿತ್ತುಕಾರ್ಯಕ್ರಮದಲ್ಲಿ ಭಾವುಕರಾದ ನಟ ಶಿವರಾಜ್ ಕುಮಾರ್.ಅಪ್ಪು ನೆನೆದು ಒಂದು ಕ್ಷಣ ಕಣ್ಣೀರಾಕಿದ್ರು… ನಂತ್ರ ಅಪ್ಪು ಬಗ್ಗೆ ಮಾತನಾಡಿದ ಶಿವರಾಜ್ ಕುಮಾರ್ತುಂಬ ದುಖಃವಾಗ್ತಿದೆ..ಅಳಬಾರದು ಅನ್ಕೋತ್ತಿನಿ ಆದ್ರೆ ಆಗುವುದಿಲ್ಲ..ಪುನೀತ್ ಮುಖ ನೋಡಿದಾಗ ಕಣ್ಣೀರು ಬರುತ್ತೆ…ಅಪ್ಪು ಬಗ್ಗೆ ಯಾವಾಗಲೂ ಮಾತಾಡುತ್ತೇನೆ..ಎಲ್ಲಾರೂ ನಿಮ್ಮ ತಮ್ಮ ನಿಮ್ಮತರನೇ ಇದ್ದಾರೆ ಅಂತಿದ್ರು…ಆದ್ರೆ ನಾನು ನನ್ನ ತಮ್ಮನಂತೆ ಇದೀನಿ ಅಂತಿದ್ದೆ…ನಾನು ನನ್ನ ತಮ್ಮನೊಂದಿಗೆ ಜಗಳನೇ ಆಡಿಲ್ಲ…ವಾಚ್ ಮ್ಯಾನ್ ರನ್ನು ಕೂಡ ತನ್ನ ಸರಿಸಮಾನಾಗಿ ನೋಡುತ್ತಿದ್ದ ಅಪ್ಪ..ಅವನು ಯಾವತ್ತೂ ನನ್ನ ಅಣ್ಣ ಅಂತಾ ಕರಿತ್ತಿದ್ದಿಲ್ಲ…ಶಿವಣ್ಣ ಅಂತಾ ಕರಿತ್ತಿದ್ದ…ತಂಗಿಯರ ಜೊತೆ ಜಗಳ ಬಿಟ್ರೆ ತಮ್ಮರೊಂದಿಗೆ ಜಗಳವಾಡಿಲ್ಲ…ಅಪ್ಪು ಸಮಾಜಕ್ಕೆ ತನ್ನ‌ಕೈಲಾದಷ್ಟು ಉಡುಗೊರೆ ಕೊಟ್ಟಿದ್ದಾನೆ..ಅಪ್ಪು ಹುಟ್ಟಿದ್ದೆ ರಾಯಲ್ , ಬೆಳದಿದ್ದು ರಾಯಲ್ರಾಯಲ್ ಆಗಿಯೇ ನನ್ನ ತಮ್ಮ ಅಪ್ಪು ಹೋಗಿಬಿಟ್ಟನಾನು ಸಾಯೋವರೆಗೂ ಅಪ್ಪು ಕಳೆದುಕೊಂಡ ನೋವು ಕಡಿಮೆ ಆಗಲ್ಲ, ಹೋಗೊದು ಇಲ್ಲ..ನೋವು ಯಾವಾಗಲೂ ಕಾಡಬೇಕು , ಹಾಗಲೇ ಅವನ ನೆನಪು ಇರುತ್ತೆ..ಅಪ್ಪುನ ಯಾವಾಗಲೂ ಮನಸ್ಸಲ್ಲಿ ಇಟ್ಕೋಳಿ ಮರೆಯಬೇಡಿ ಎಂದರು

ಪಿಂಕಿ ಎಲ್ಲಿ? ‘ಚಿತ್ರದ ನಂತರ ಸಣ್ಣ ಬ್ರೇಕ್ ಪಡೆದುಕೊಂಡಿದ್ದ ನಟಿ ಅಕ್ಷತಾ ಪಾಂಡವಪುರ ಈಗ ತಮ್ಮ ಎರಡನೇ ಇನ್ನಿಂಗ್ಸ್ ಆರಂಭಿಸಿದ್ದಾರೆ…ಹೌದು ಅಕ್ಷತಾ ಹೊಸ ಸಿನಿಮಾಗೆ ಸಹಿ ಹಾಕಿದ್ದು ಚಿತ್ರದ ಟೈಟಲ್ ಸಖತ್ ಇಂಟ್ರೆಸ್ಟಿಂಗ್ ಆಗಿದೆ…ಹೌದು ಅಕ್ಷತಾ ಆಕ್ಟ್ ಮಾಡ್ತಿರೋ ಚಿತ್ರದ ಹೆಸರು ಕೋಳಿ ಎಸ್ರು.. ಕಾ ತ ಚಿಕ್ಕಣ್ಣ ರವರ ‘ಹುಚ್ಚಿರಿ ಕೋಳಿ ಎಸ್ರು ಪ್ರಸಂಗ’ ಈಗ ‘ಕೋಳಿ ಎಸ್ರು’ಅನ್ನೋ ಸಿನಿಮಾ ಆಗ್ತಿದೆ…ಚಿತ್ರವನ್ನ ಅಮ್ಮಚ್ಚಿ ಎಂಬ ನೆನಪು‌ ಸಿನಿಮಾ ನಿರ್ದೇಶನ ಮಾಡಿದ್ದ ಚಂಪ ಶೆಟ್ಟಿ ಅವ್ರೇ ನಿರ್ದೇಶಿಸುತ್ತಿದ್ದಾರೆ… ಸಿನಿಮಾದಲ್ಲಿ ಹುಚ್ಚಿರಿ ಪಾತ್ರದಲ್ಲಿ ಅಕ್ಷತಾ ಕಾಣಿಸಿಕೊಳ್ಳುತ್ತಿದ್ದು‌‌ ವಿಭಿನ್ನ ಪಾತ್ರಕ್ಕಾಗಿ ಕಾದಿದ್ದ ಅಕ್ಷತಾ ಅವ್ರಿಗೆ ಈ ಸಿನಿಮಾ‌ಸಿಕ್ಕಿರೋದು ಖುಷಿ ತಂದಿದ್ಯಂತೆ…

ಹಿರಿಯ ನಟ‌ಶಿವರಾಮ್ ಇನ್ನಿಲ್ಲ…84ವರ್ಷ ವಯಸ್ಸಾಗಿದ್ದ ಶಿವರಾಮ್ 28 ಜನವರಿ 1938 ರಲ್ಲಿ‌ ಜನಿಸಿದ್ರು …ಶಿವರಾಮ್ ಅಥವಾ ಶಿವರಾಮಾಣ್ಣ ಎಂದು ಜನಪ್ರಿಯ ಗಳಿಸಿದ್ರು… ಆರು ದಶಕಗಳಿಂದ ನಟ, ನಿರ್ಮಾಪಕ ಮತ್ತು ನಿರ್ದೇಶಕರಾಗಿ ಭಾರತೀಯ ಸಿನಿಮಾರಂಗದಲ್ಲಿ ಗುರುತಿಸಿಕೊಂಡಿದ್ರು…ಕನ್ನಡ ಸಿನಿಮಾಗಳಲ್ಲಿ ನಾಯಕನಾಗಿ ಪೋಷಕ ಪಾತ್ರಗಳಲ್ಲಿ ಹಾಗೂ ಹಾಸ್ಯ ಪಾತ್ರಗಳಲ್ಲಿ ಶಿವರಾಂ ನಟಿಸಿದ್ದರು .. ಶಿವರಾಮ್ ಹಾಗೂ ಅವರ ಸಹೋದರರು ಸೇರಿ ರಾಶಿ ಪ್ರದರ್ಶನ ಬ್ಯಾನರಡಿಯಲಿ ಸಾಕಷ್ಟು ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದರು ..ಡಾಕ್ಟರ್ ರಾಜ್ ಕುಮಾರ್ ಸೇರಿದಂತೆ ರಜನಿಕಾಂತ್ ಅಮಿತಾಭ್ ಬಚ್ಚನ್ ಕಮಲ್ ಹಾಸನ್ ಹೀಗೆ ಪ್ರಖ್ಯಾತ ನಟರ ಸಿನಿಮಾಗಳನ್ನು ಶಿವರಾಮ್ ಅವರು ನಿರ್ಮಾಣ ಮಾಡಿದ್ದರು … ರಂಗಭೂಮಿಯಲ್ಲಿ ನಾಟಕ ಪ್ರದರ್ಶನ ಮಾಡುವ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಶಿವರಾಂ ಅವರು ಬೆರೆತ ಜೀವ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು …ಕೆಎಸ್ಎಲ್ ಸ್ವಾಮೀ ಗೀತಪ್ರಿಯ ಸಂಗೀತಂ ಶ್ರೀನಿವಾಸ್ ಪುಟ್ಟಣ್ಣ ಕಣಗಾಲ್ ಇನ್ನೂ ಅನೇಕರ ಜೊತೆಯಲ್ಲಿ ಸಹನಿರ್ದೇಶಕರಾಗಿ ಶಿವರಾಂ ಕೆಲಸ ಮಾಡಿದ್ದಾರೆ …

ರೋರಿಂಗ್ ಸ್ಟಾರ್ ಶ್ರೀಮುರಳಿ ಅಭಿನಯದ ಮದಗಜ ಸಿನಿಮಾ ಬಿಡುಗಡೆಯಾಗಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ… ಔಟ್&ಔಟ್ ಕಮರ್ಷಿಯಲ್ ಎಂಟರ್ ಟೈನ್ ಮೆಂಟ್ ಸಿನಿಮಾ ಆಗಿರೋ ಮದಗಜ ಚಿತ್ರವನ್ನು ಪ್ರೇಕ್ಷಕರು ಮೆಚ್ಚಿಕೊಂಡು ಕೊಂಡಾಡಿದ್ದಾರೆ… ಕರ್ನಾಟಕದ 186ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಂಡಿದ್ದ ಮದಗಜ ಚಿತ್ರದ ಎಲ್ಲಾ ಶೋಗಳು ಸೋಲ್ಡ್ ಔಟ್ ಆಗಿ ಹೌಸ್ ಫುಲ್ ಪ್ರದರ್ಶನ ಕಂಡಿದೆ … ಖುಷಿಯ ವಿಚಾರ ಅಂದ್ರೆ ಮದಗಜ ಸಿನಿಮಾ ಮೊದಲ ದಿನವೇ 8ಕೋಟಿ ಎಂಬತ್ತು ಲಕ್ಷ ಕಲೆಕ್ಷನ್ ಮಾಡಿದೆ ಶ್ರೀಮುರಳಿ ಕೆರಿಯರ್ ಮದಗಜ ಬಿಗ್ ಬಜೆಟ್ ಸಿನಿಮಾ ಆಗಿದ್ದು ಮೊದಲ ದಿನವೇ ಭರ್ಜರಿ ಕಲೆಕ್ಷನ್ ಮೂಲಕ ಸಿನಿಮಾ ಸಖತ್ ಸುದ್ದಿ ಮಾಡುತ್ತಿದೆ…