ಕರ್ನಾಟಕ

ಅಪ್ಪಾ ಮಗನನ್ನು ಅರೆಸ್ಟ್ ಮಾಡ್ರಿ

ಹಣಮೇಗೌಡ ಬಿರನಕಲ್ ಯಾವುದೇ ಕಾರಣಕ್ಕೂ ಕ್ಷಮೆ ಕೇಳಲ್ಲ : ತೇಕರಾಳ

ಈಡಿಗ ಸಮಾಜದ ಜಿಲ್ಲಾಧ್ಯಕ್ಷರಾಗಿ ಮಹೇಂದ್ರ ಅನಪೂರ ಆಯ್ಕೆ
ಕರ್ನಾಟಕ ಭಾಗ್ಯ ವಾರ್ತೆ
ಯಾದಗಿರಿ : ನಗರದ ಬಾಲಯೋಗಿ ಶ್ರೀ ರಾಜೇಂದ್ರ ಮಹಾರಾಜರ ಆಶ್ರಮದ ಆವರಣದಲ್ಲಿ ನಡೆದ‌ ಆರ್ಯ ಈಡಿಗ ಸಮಾಜದ ಮುಖಂಡರ ಸಭೆಯಲ್ಲಿ ಮಹೇಂದ್ರ ಅನಪೂರ ಅವರನ್ನು ಆಯ್ಕೆ‌ ಮಾಡಲಾಯಿತು.
.ಈ ಸಂದರ್ಭದಲ್ಲಿ ಸಮಾಜದ ಮುಖಂಡರಾದ ನರೇಂದ್ರಗೌಡ ಮಾನಸಗಲ್, ರಾಜಶೇಖರಗೌಡ ವಡಿಗೇರ, ನಾಗರಾಜಗೌಡ ಮಾನಸಗಲ್, ರವೀಂದ್ರ ಗೌಡ ಮುಂಡರಗಿ, ಕಾಶಪ್ಪ ಮುಸ್ಟೂರು, ಮಲ್ಲಯ್ಯ ಗುಂಡಗುರ್ತಿ, ಸೂರ್ಯಕಾಂತ ಯರಗೋಳ, ದೇವಪ್ಪ ಗೌಡ ರಾಚನಹಳ್ಳಿ, ಡಾ ವೆಂಕಟೇಶ್ ಬದ್ದೆಪಲ್ಲಿ, ಮರಿಯಪ್ಪ ಇಬ್ರಾಹಿಂಪುರ್, ಬಾಲಾಜಿ ಪೊಲೀಸ್, ರಾಘವೇಂದ್ರ ಕಲಾಲ್ ಸೈದಾಪುರ್, ಶರಣು ಗುತ್ತೇದಾರ್ ಮಳ್ಳಳ್ಳಿ, ದತ್ತಾತ್ರೇಯ ಶಾಬಾದಿ ಹಾಗೂ ಇನ್ನಿತರರು ಹಾಜರಿದ್ದರು.

7 ದಶಕದ ಕನಸು ನನಸಾಗಿಸಿದ ನಾಗನಗೌಡ್ರನ ಮರಿಬ್ಯಾಡ್ರಿ ಕರ್ನಾಟಕ ಭಾಗ್ಯ ವಾರ್ತೆ ಯಾದಗಿರಿ : ಗುರುಮಠಕಲ್ ಪಟ್ಟಣದಲ್ಲಿ ಡಾ.ಬಿ.ಆರ್.ಅಂಬೇಡ್ಕರ್ ಮತ್ತು ಡಾ.ಬಾಬು ಜಗಜೀವನರಾಂ ರವರ ಮೂರ್ತಿಗಳ ಸ್ಥಾಪನೆ ಅಪ್ಪನ ಕನಸಾಗಿತ್ತು. ಒಂದೆಡೆ ಇಬ್ಬರು ಮಹಾತ್ಮರ ಮೂರ್ತಿಗಳು ಇರುವುದು ಅಪರೂಪ ಅಂತಹ ಸೌಭಾಗ್ಯ ಗುರುಮಠಕಲ್ ಜನತೆಯ ಸಹಕಾರದಿಂದ ನೆರವೇರಿದ್ದು, ಶೋಷಿತ ಸಮುದಾಯಗಳ ೭ ದಶಕಗಳ ಕನಸು ಈಡೇರಿಸಿದ ನನ್ನಪ್ಪ ದಿ. ನಾಗನಗೌಡ್ರನ್ನು ಮರಿಬ್ಯಾಡ್ರಿ ಎಂದು ಗುರುಮಠಕಲ್ ಶಾಸಕ ಶರಣಗೌಡ ಕಂದಕೂರ ಹೇಳಿದರು. ಗುರುಮಠಕಲ್ ಪಟ್ಟಣದ ಅಂಬೇಡ್ಕರ್ ಭವನದ ಆವರಣದಲ್ಲಿ ಮುಖ್ಯಮಂತ್ರಿಗಳ ನಗರೋತ್ಥಾನ ಯೋಜನೆಯ ೪೬.೬೫ಲಕ್ಷಗಳ ಅನುದಾನದಡಿ ನಿರ್ಮಿಸಲಾದ ಡಾ.ಬಿ.ಆರ್.ಅಂಬೇಡ್ಕರ್ ಮತ್ತು ಡಾ.ಬಾಬು ಜಗಜೀವನರಾಂ ರವರ ಮೂರ್ತಿಗಳ ಅನಾವರಣ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ಸ್ವಾತಂತ್ರ‍್ಯ ಭಾರತದ ಸಂವಿಧಾನ ಸ್ಥಾಪಕರು ಡಾ.ಬಿ.ಆರ್.ಅಂಬೇಡ್ಕರ್ ಹಾಗೂ ಶೋಷಿತ ಸಮುದಾಯದ ಏಳ್ಗೆಗೆ ಶ್ರಮಿಸಿದ ನಿಜ ನಾಯಕ ಡಾ.ಬಾಬು ಜಗಜೀವನರಾಮ ಅವರ ಜೀವನ ಆದರ್ಶಗಳು ನಮಗೆ ದಾರಿದೀಪಗಳಾಗಿವೆ ಎಂದರು. ಯಾರು ನಿಮ್ಮನ್ನು ಪಕ್ಕದಲ್ಲಿ ಕೂಡ್ರಿಸಿಕೊಳ್ತಾರೆ, ಯಾರೂ ಸಂವಿಧಾನಕ್ಕೆ ಗೌರವ ಕೊಡ್ತಾರೆ ಅವರನ್ನು ನೀವು ಒಪ್ಪಿಕೊಳ್ಳಬೇಕು ಎಂದು ಜ್ಞಾನ ಪ್ರಕಾಶ ಸ್ವಾಮೀಜಿಯವರು ಶಂಕುಸ್ಥಾಪನೆ ಕಾರ್ಯಕ್ರಮದಲ್ಲಿ ಹೇಳಿದ್ದರಿಂದ ನೀವು ಒಪ್ಪಿಕೊಂಡು ನನ್ನನ್ನು ನೀವು ಆಯ್ಕೆ ಮಾಡಿದ್ದಿರಿ ಎಂದು ನೆನಪಿಸಿದರು. ಗಾರ್ಡನ್ ಮತ್ತು ಸೋಲಾರ್ ಲೈಟ್ ಗಾಗಿ ೧೦ಲಕ್ಷ ನೀಡುತ್ತೇನೆ ಎಂದರು. ಮಹಾನ್ ನಾಯಕರ ಮೂರ್ತಿ ಸ್ಥಾಪನೆಯ ಉದ್ದೇಶವೆಂದರೆ ಅವರ ಜೀವನ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಲು ಸಹಕಾರಿಯಾಗಲಿದೆ. ಪ್ರಮುಖ ರಸ್ತೆಯಲ್ಲಿ ಸಂಚರಿಸುವಾಗ ಅವರ ಮೂರ್ತಿಗಳು ಕಂಡಲ್ಲಿ ಅವರಂತೆ ನಾವು ಬದುಕಿ ಬಾಳಬೇಕು ಎನ್ನುವ ಭಾವನೆ ನಮ್ಮಲ್ಲಿ ಬರಲಿದೆ ಎನ್ನುವ ಉದ್ದೇಶದಿಂದ ಮಹಾತ್ಮರ ಮೂರ್ತಿಗಳನ್ನು ರಸ್ತೆಯ ಬದಿಯಲ್ಲಿ ಸ್ಥಾಪಿಸಲಾಗುತ್ತದೆ ಎಂದರು. ಯುವ ಮುಖಂಡ ತಾಯಪ್ಪ ಬದ್ದೇಪಲ್ಲಿ ಮಾತನಾಡಿ, ೧೯೭೨ರಿಂದ ಚುನಾವಣೆ ನಡೆದರೂ ಕೂಡ ಇಲ್ಲಿಯವರೆಗೆ ಯಾವುದೇ ನಾಯಕರು ಅಧಿಕಾರ ನಡೆಸಿದರೂ ಕೂಡ ನಮ್ಮ ಮಹಾತ್ಮರ ಮೂರ್ತಿ ನಿರ್ಮಾಣ ಮಾಡಲು ಆಸಕ್ತಿ ತೋರಲಿಲ್ಲ. ಆದರೆ ಹಿಂದುಳಿದವರ, ಶೋಷಿತರ ಆಶಾಕಿರಣವಾಗಿದ್ದ ನಾಗನಗೌಡ್ರು ದಿಟ್ಟಿನ ಕ್ರಮದಿಂದ ಗುರುಮಠಕಲ್ ತಾಲೂಕು ಕೇಂದ್ರದಲ್ಲಿ ಮೂರ್ತಿ ಅನಾವರಣ ಕಾರ್ಯಕ್ರಮ ನಡೆಯಿತು. ಅಂದು ಅವರು ಶಂಕುಸ್ಥಾಪನೆ ನೆರವೇರಿಸಿದ್ದರಿಂದ ಇಂದು ಈ ಬೃಹತ್ ಮೂರ್ತಿಗಳು ಅನಾವರಣ ಗೊಂಡಿವೆ ಅದರಲ್ಲೂ ಅವರ ಪುತ್ರರಾದ ಹಾಲಿ ಶಾಸಕ ಶರಣಗೌಡ ಕಂದಕೂರ ಅವರ ಕೈಯಲ್ಲಿ ಮೂರ್ತಿಗಳ ಅನಾವರಣ ಕಾರ್ಯಕ್ರಮ ನಡೆಯುತ್ತಿರುವುದು ಸಂತೋಷದ ಸಂಗತಿ ಎಂದರು. ದಲಿತ ಸಂಘರ್ಷ ಸಮಿತಿ ಜಿಲ್ಲಾ ಸಂಚಾಲಕರಾದ ಮರೆಪ್ಪ ಚಟ್ಟೇರಕರ್ ಮಾತನಾಡಿ, ಶೋಷಿತ ವರ್ಗದ ಕನಸು ನನಸು ಮಾಡಿದ ಶಾಸಕ ಶರಣಗೌಡ ಕಂದಕೂರ ಅವರ ಶ್ರಮ ಅತ್ಯಂತ ಪ್ರಮುಖವಾಗಿದೆ ಎಂದರು. ಡಾ.ಭೀಮರಾಯ ಲಿಂಗೇರಿ ಮಾತನಾಡಿ, ಕಂದಕೂರ ಮನೆತನ ಜಾತ್ಯಾತೀತ ಮನೆತನವಾಗಿದ್ದು, ಈ ಭಾಗದಲ್ಲಿ ಅಸ್ಪೃಶ್ಯತೆ ಹೋಗಲಾಡಿಸುವಲ್ಲಿ ಅವರ ಶ್ರಮ ಮತ್ತು ಶೋಷಿತರ ಬಗೆಗಿನ ಕಾಳಜಿ ಅತ್ಯಂತ ಪ್ರಮುಖವಾದದು, ತಂದೆಯ ಕನಸು ನನಸು ಮಾಡಿ ಅವರನ್ನು ಶಾಸಕರನ್ನಾಗಿಸಲು ಅವರು ಪಟ್ಟ ಶ್ರಮ ಅತ್ಯಂತ ಅಪಾರವಾಗಿದೆ ಎಂದರು. ಈ ಸಂದರ್ಭದಲ್ಲಿ ಯೋಜನಾ ನಿರ್ದೇಶಕ ಲಕ್ಷಿö್ಮÃಕಾಂತ, ತಹಸೀಲ್ದಾರ ನೀಲಪ್ರಭ, ಪುರಸಭೆ ಮುಖ್ಯಾಧಿಕಾರಿ ಭಾರತಿ ದಂಡೋತಿ ಸೇರಿದಂತೆ ಇತರರಿದ್ದರು. =========================== ಬಾಕ್ಸ್ 7 ದಶಕಗಳ ಕನಸು ನನಸು ಕಲ್ಯಾಣ ಕರ್ನಾಟಕ ಭಾಗದ ಯಾದಗಿರಿ ಜಿಲ್ಲೆಯ ಹಾಗೂ ಕಲಬುರಗಿ ಲೋಕಸಭಾ ವ್ಯಾಪ್ತಿಯ ಗುರುಮಠಕಲ್ ಮತಕ್ಷೇತ್ರದ ಕೇಂದ್ರ ಸ್ಥಾನ ಗುರುಮಠಕಲ್ ಪಟ್ಟಣದಲ್ಲಿ ಪ್ರಪ್ರಥಮ ಭಾರಿಗೆ ಸಂವಿಧಾನ ಶಿಲ್ಪಿ ಡಾ.ಬಿ.ಆರ್. ಅಂಬೇಡ್ಕರ್ ಅವರ ಹಾಗೂ ಮಾಜಿ ಉಪಪ್ರಧಾನಿ ಡಾ.ಬಾಬು ಜಗಜೀಬನ ರಾಮ್ ಅವರ ಮೂರ್ತಿಗಳ ಲೋಕಾರ್ಪಣೆ ಕಾರ್ಯಕ್ರಮ ಜರುಗಿತು. ದೇಶಕ್ಕೆ ಸ್ವಾತಂತ್ರ‍್ಯಸಿಕ್ಕು ೭೭ ವರ್ಷಗಳು ಕಳೆದರೂ ಜಗತ್ತಿನ ಈ ಇಬ್ಬರು ಮಹಾನ್ ನಾಯಕರ ಪುತ್ಥಳಿಗಳು ಗುರುಮಠಕಲ್ ಮತಕ್ಷೇತ್ರದ ಕೇಂದ್ರ ಸ್ಥಾನದಲ್ಲಿ ಇರಲಿಲ್ಲ ಎನ್ನುವ ಕೊರಗನ್ನು ಅಂದಿನ ಶಾಸಕರಾಗಿದ್ದ ದಿ. ನಾಗನಗೌಡ ಕಂದಕೂರ ಅವರು ಪುತ್ಥಳಿ ನಿರ್ಮಾಣಕ್ಕಾಗಿ ಶಂಕುಸ್ಥಾಪನೆ ನೆರವೇರಿಸುವ ಮೂಲಕ ಈ ಭಾಗದ ಶೋಷಿತ ಸಮುದಾಯಗಳ ಆಶಾಕಿರಣವಾಗಿದ್ದರು. ಅವರ ಪುತ್ರ ಶಾಸಕರಾಗಿದ್ದ ಶರಣಗೌಡ ಕಂದಕೂರ ಅವರು ತಮ್ಮ ತಂದೆಯ ಕನಸನ್ನು ನನಸು ಮಾಡಲು ಪಣತೊಟ್ಟು ಈ ಈರ್ವರು ಮಹಾನ್ ನಾಯಕರ ಮೂರ್ತಿ ಸ್ಥಾಪನೆ ಮಾಡಿ ತಂದೆಯ ಕನಸನ್ನು ಈಡೇರಿಸಿದ್ದಾರೆ. ======================= ಬಾಕ್ಸ್ ಅತ್ಯಂತ ಸೋಜಿಗದ ಸಂಗತಿ. ಬಹುತೇಕ ದೇಶದ ಪ್ರತಿ ಊರುಗಳಲ್ಲಿ ಈ ಇಬ್ಬರು ಶ್ರೇಷ್ಠ ವ್ಯಕ್ತಿಗಳ ಮೂರ್ತಿಗಳು ಅನಾವರಣಗೊಂಡು ಹಲವು ದಶಕಗಳೆ ಕಳೆದಿವೆ. ಆದರೆ ಗುರುಮಠಕಲ್ ಪಟ್ಟಣದಲ್ಲಿ ಇಲ್ಲದೆ ಇರುವ ವಿಷಯ ಅರಿಯಲು ಕಲ್ಯಾಣ ಕರ್ನಾಟಕ ಪ್ರದೇಶದ ಹಿರಿಯ ನಾಯಕರಾಗಿದ್ದ ದಿವಂಗತ ನಾಗಣ್ಣಗೌಡ ಕಂದಕೂರು ಶಾಸಕರಾಗಬೇಕಿತ್ತೆನೋ?!. ೨೦೧೮ರಲ್ಲಿ ನಾಗಣ್ಣಗೌಡರು ಗುರುಮಠಕಲ್ ಶಾಸಕರಾದರು. ಆಗ ಒಂದು ಪಟ್ಟಣದ ಸಂಚಾರದಲ್ಲಿ ಇರುವಾಗ  ಅಮೂಲ್ಯ ವ್ಯಕ್ತಿಗಳಾದ ಡಾ.ಅಂಬೇಡ್ಕರ್ ಹಾಗೂ ಡಾ.ಬಾಬು ಜಗಜೀವನ ರಾಮ್ ಅವರ ಮೂರ್ತಿಗಳು ಇಲ್ಲದೆ ಇರುವುದು ಮನಗೊಂಡು ಅಂದೆ ತಿರ್ಮಾನ ಮಾಡಿದರು. ಇವರಿಬ್ಬರ ಮೂರ್ತಿಗಳು ಈ ಐತಿಹಾಸಿಕ ಪಟ್ಟಣದಲ್ಲಿ ಪ್ರತಿಪ್ಠಾಪಿಸಬೇಕೆಂಬ ಸಂಕಲ್ಪ ಮಾಡಿದರು. ಅದರಂತೆ ಸೂಕ್ತ ಸ್ಥಳ ನೋಡಿ ಜನರ ಸಮ್ಮುಖದಲ್ಲಿ ಈ ಕೆಲಸಕ್ಕೆ ಅಡಿಗಲ್ಲು ಹಾಕಿದರು. ಮಾಡಿದ ಸಂಕಲ್ಪ ಕೈಗೂಡುವುದರೊಳಗೆ ಅವರು ವಿಧಿವಶರಾದರು. ಆದರೆನಂತೆ ಗುರುಮಠಕಲ್ ಕ್ಷೇತ್ರದ ಮತದಾರರು ಅದೆ ಮನೆತನ ಕುಡಿ, ನಾಗಣ್ಣಗೌಡ ಸುಪುತ್ರ, ಭವಿಷ್ಯತ್ತಿನ ಉತ್ತಮ ಜನಸೇವಕರಾಗಲಿರುವ ಶರಣಗೌಡ ಕಂದಕೂರು ಅವರನ್ನು ೨೦೨೩ರಲ್ಲಿ ಶಾಸಕರಾಗಿ ಆಯ್ಕೆ ಮಾಡಿದರು. ಅಂದು ಅವರ ತಂದೆ ನಾಗಣ್ಣಗೌಡ ಕಂದಕೂರು ಕನಸು ಕಂಡು ಕೈಗೊಂಡಿದ್ದ ಈ ಮೂರ್ತಿಗಳ ಸ್ಥಾಪನೆ ಕೆಲಸ ಪೂರ್ಣಗೊಂಡು ಲೋಕಾರ್ಪಣೆಗೊಳಿಸಲಾಯಿತು. ಬಾಕ್ಸ್ ಅಪ್ಪನ ನೆನೆದು ಶಾಸಕ ಕಂದಕೂರ ಭಾವುಕ ಗುರುಮಠಕಲ್ ಪಟ್ಟಣದಲ್ಲಿ ಡಾ.ಬಿ.ಆರ್.ಅಂಬೇಡ್ಕರ್ ಮತ್ತು ಡಾ.ಬಾಬು ಜಗಜೀವನರಾಂ ರವರ ಮೂರ್ತಿಗಳ ಸ್ಥಾಪನೆ ಕಾರ್ಯಕ್ರಮದಲ್ಲಿ ತಮ್ಮ ತಂದೆ ಮಾಜಿ ಶಾಸಕ ದಿ. ನಾಗನಗೌಡ ಕಂದಕೂರ ಅವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸುತ್ತಿರುವ ಸಂದರ್ಭದಲ್ಲಿ ಅಪ್ಪನನ್ನು ಕಂಡು ಭಾವುಕರಾದ ಶಾಸಕ ಶರಣಗೌಡ ಕಂದಕೂರ ಅವರ ಕಣ್ಣಂಚಲಿ ನೀರು ಹನಿಯಾಗಿ ಭಾವುಕತೆ ವಾತಾವರಣ ನಿರ್ಮಾಣವಾಗಿತ್ತು. ಬಾಕ್ಸ್ ಯಶಸ್ವಿ ಕಾರ್ಯಕ್ರಮಕ್ಕೆ ಎಡಬಲ ಒಗ್ಗಟ್ಟು ಗುರುಮಠಕಲ್ ಪಟ್ಟಣದಲ್ಲಿ ಡಾ.ಬಿ.ಆರ್.ಅಂಬೇಡ್ಕರ್ ಮತ್ತು ಡಾ.ಬಾಬು ಜಗಜೀವನರಾಂ ರವರ ಮೂರ್ತಿಗಳ ಸ್ಥಾಪನೆ ಕಾರ್ಯಕ್ರಮಕ್ಕೆ ದಲಿತ ಪಂಥದ ಎಡ ಮತ್ತು ಬಲ ಸಮುದಾಯಗಳು ಒಗ್ಗಟ್ಟು ಪ್ರದರ್ಶಿಸಿ ತಮ್ಮ ಸಮುದಾಯದ ಮಹಾನ್ ನಾಯಕರ ಪುತ್ಥಳಿ ಅನಾವರಣ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ನಡೆಸಿಕೊಟ್ಟರು. ಎರಡು ಸಮುದಾಯದ ಸಂಘಟನೆಗಳ ಹಲವು ಪದಾಧಿಕಾರಿಗಳು ಮತ್ತು ಮುಖಂಡರು ಕಾರ್ಯಕ್ರಮದಲ್ಲಿ ಶಾಂತರೀತಿಯಿAದ ಕುಳಿತು ಕಾರ್ಯಕ್ರಮ ಯಶಸ್ವಿಯಾಗಲಿ ಕಾರಣಿಕರ್ತರಾದರು. ಕೋಟ್ ಅಂದಿನ ರಾಜಕೀಯ ವ್ಯವಸ್ಥೆಯಲ್ಲಿ ದೀನದಲಿತ ಆಶಾಕಿರಣ, ಹಸಿರು ಕ್ರಾಂತಿಯ ಹರಿಕಾರರಾಗಿದ್ದ ಡಾ.ಬಾಬು ಜಗಜೀವನರಾಂ ಅವರು ರಾಜಕೀಯ ಕುತಂತ್ರದಿAದ ಪ್ರಧಾನ ಮಂತ್ರಿಯಾಗಲಿಲ್ಲ ಎನ್ನುವುದು ಕಟುಸತ್ಯ. – –ಶರಣಗೌಡ ಕಂದಕೂರ ಶಾಸಕರು ಗುರುಮಠಕಲ್

ಯಾದಗಿರಿ ಜಿಲ್ಲೆಯ ಸುರಪುರ ಮತಕ್ಷೇತ್ರದ ಉಪ ಚುನಾವಣೆಯ ಫಲಿತಾಂಶ
ಕಾAಗ್ರೆಸ್ ಅಭ್ಯರ್ಥಿ ರಾಜಾ ವೇಣುಗೋಪಾಲ ನಾಯಕ ಮುನ್ನಡೆ

ಸರ್ಕಾರದಿಂದ ಬೀಜಗಳ ಬೆಲೆ ಹೆಚ್ಚಳ : ಮಲ್ಲಣ್ಣಗೌಡ ಹಗರಟಗಿ ವಿರೋಧ

ಡಾ. ಭೀಮಣ್ಣ ಮೇಟಿಗೆ ಎಂಎಲ್ಸಿ ಮಾಡಲು ಅಹಿಂದ ಸಂಘಟನೆಯಿAದ ಮುಖ್ಯಮಂತ್ರಿಗಳಿಗೆ ಮನವಿ

ನಾಡದ್ರೋಹಿಗಳಿಗೆ ಸಿಂಹಸ್ವಪ್ನರಾಗಲು ಕರೆ