ದೇಶ

ಕರುನಾಡಿನ ಪ್ರತಿಯೊಬ್ಬ ಕನ್ನಡಿಗನೂ ಹಾತೊರೆದು ಎದುರು ನೋಡುತ್ತಿರೋ ಸಿನಿಮಾ ‘ಜೇಮ್ಸ್’. ಪುನೀತ್ ರಾಜಕುಮಾರ್ ಅವರ ಕೊನೆಯ ಚಿತ್ರವಾದ ಜೇಮ್ಸ್ ಅವರದೇ ಜನುಮದಿನವಾದ ಮಾರ್ಚ್ 17ರಂದು ತೆರೆಗೆ ಅಪ್ಪಳಿಸುತ್ತಿರೋದು ನಮಗೆಲ್ಲ ಪರಿಚಿತ ಸುದ್ದಿ. ಚಿತ್ರತಂಡ ಈ ಬಗ್ಗೆ ಬಹಳ ಎಚ್ಚರಿಕೆಯಿಂದ ಅಚ್ಚುಕಟ್ಟಾಗಿ ಎಲ್ಲ ಕೆಲಸಗಳನ್ನ ಮಾಡುತ್ತಿದೆ. ಟೀಸರ್ ಬಿಟ್ಟ ಬೆನ್ನಲೇ ಟ್ರೇಡಮಾರ್ಕ್ ಅನ್ನೋ ಹಾಡೊಂದನ್ನ ಬಿಟ್ಟು ಅಭಿಮಾನಿಗಳ ಉತ್ಸಾಹವನ್ನ ಹೆಚ್ಚಿಸಿತ್ತು ಚಿತ್ರತಂಡ. ಪ್ರಮೋಷನ್ ಗಳು, ಸಂದರ್ಶನಗಳು ಎಲ್ಲ ಭರದಿಂದ ಸಾಗುತ್ತಿವೆ. ಇದೀಗ ಚಿತ್ರದ ಸೆನ್ಸರ್ ಪ್ರಕ್ರಿಯೆ ಕೂಡ ಮುಗಿದಿದೆ. ಹೌದು, ‘ಜೇಮ್ಸ್’ ಸೃಷ್ಟಿಕರ್ತ ಚೇತನ್ ಕುಮಾರ್ ಅವರು ತಮ್ಮ ಚಿತ್ರವನ್ನ ಸೆನ್ಸರ್ ಮಂಡಳಿ ಮುಂದೆ ಇಟ್ಟಿದ್ದರು. ಚಿತ್ರವನ್ನ ಸಂಪೂರ್ಣ ವೀಕ್ಷಿಸಿದ ಮಂಡಳಿ ಸದಸ್ಯರು ಯಾವುದೇ ತಕರಾರನ್ನು ಎತ್ತಿಲ್ಲ. U/A ಪ್ರಮಾಣವನ್ನ ಚಿತ್ರಕ್ಕೆ ಮಂಡಳಿ ನೀಡಿದೆ. ಅಲ್ಲದೇ ಇಡೀ ಚಿತ್ರದಲ್ಲಿ ಯಾವ ದೃಶ್ಯಾವನ್ನು ಸಹ ತೆಗೆಯುವಂತೆ ಸೆನ್ಸರ್ ಮಂಡಳಿಯಿಂದ ಆದೇಶವಿಲ್ಲವಂತೆ. ಈ ವಿಷಯವನ್ನ ಸಂತೋಷದಿಂದ ಚಿತ್ರತಂಡ ಸೋಶಿಯಲ್ ಮೀಡಿಯಾದಲ್ಲಿ ಹೇಳಿಕೊಂಡಿದೆ. ಅಂದರೆ, ಅಭಿಮಾನಿಗಳು ಚಿತ್ರವನ್ನ ಯಾವುದೇ ಅಡೆತಡೆಯಿಲ್ಲದೇ, ಯಾವುದೇ ಕೊರತೆಯಿಲ್ಲದೇ, ಹೇಗಿದೆಯೋ ಹಾಗೇ ಚಿತ್ರಮಂದಿರಗಳಲ್ಲಿ ನೋಡಬಹುದಾಗಿದೆ. ಎಷ್ಟೇ ವರ್ಷಗಳಾದರೂ ಮಿಂಚು ನಿಲ್ಲದ ಯುವನಕ್ಷತ್ರ ಪುನೀತ್ ರಾಜಕುಮಾರ್ ಅವರನ್ನು ಕೊನೆಯ ಬಾರಿ ಸಂಪೂರ್ಣ ನಾಯಕರಾಗಿ ಕಂಡು ಸಂತುಷ್ಟರಾಗಲು ಅವರು-ಇವರೆನ್ನದೆ ಸರ್ವರೂ ಕಾಯುತ್ತಿದ್ದೇವೆ. ಮಾರ್ಚ್ 17ರಿಂದ ನಮ್ಮೆಲ್ಲರ ಬಹುನಿರೀಕ್ಷಿತ ಆಸೆ ನೆರವೇರಲಿದೆ.

ಸಿನಿಮಾರಂಗದ ನ್ಯಾಷನಲ್ ಕ್ರಶ್ ಎಂದೇ ಪ್ರಖ್ಯಾತಿ ಗಳಿಸಿರುವ ನಟಿ ರಶ್ಮಿಕಾ ಮಂದಣ್ಣ ಇತ್ತೀಚಿನ ದಿನಗಳಲ್ಲಿ ಹೆಚ್ಚೆಚ್ಚು ಸುದ್ದಿಯಲ್ಲಿರುತ್ತಾರೆ…ಟಾಲಿವುಡ್, ಕಾಲಿವುಡ್ ಹಾಗೂ ಬಾಲಿವುಡ್ ಗೆ ಹಾರಿದ ನಂತರ ಎಲ್ಲೆಲ್ಲೂ ರಶ್ಮಿಕಾ ಅವ್ರದ್ದೆ ಸುದ್ದಿ … ಇನ್ನು ರಶ್ಮಿಕಾ ಪಾಸಿಟಿವ್ ಆಗಿ ಮಾತನಾಡಿದ್ರೂ ಸುದ್ದಿ ನೆಗೆಟಿವ್ ಆಗಿ ಮಾತನಾಡಿದರು ಸುದ್ದಿ… ಟ್ರೋಲ್ ಮಾಡುವವರಂತೂ ರಶ್ಮಿಕಾ ಏನ್ ಮಾತಾಡ್ತಾರೆ ಅಂತನೆ ಕಾದಿರುತ್ತಾರೆ ..ಇನ್ನು ಇತ್ತಿಚಿಗಷ್ಟೇ ಸಂದರ್ಶನವೊಂದರಲ್ಲಿ ಮಾತನಾಡಿರುವ ನಟಿ ರಶ್ಮಿಕಾ ತಾವು ಮುಂದಿನ ಜನ್ಮದಲ್ಲಿ ಏನಾಗಿ ಹುಟ್ಟಬೇಕು ಎನ್ನುವ ಆಸೆಯನ್ನು ವ್ಯಕ್ತಪಡಿಸಿದ್ದಾರೆ.. ಹೌದು ಮುಂದಿನ ಜನ್ಮದಲ್ಲಿ ನಾನು ಗಂಡಾಗಿ ಹುಟ್ಟಲು ಇಚ್ಛಿಸುತ್ತೇನೆ ಎಂದಿದ್ದಾರೆ…ಯಾಕೆಂದರೆ ಇತ್ತೀಚೆಗಷ್ಟೇ ಬಿಡುಗಡೆಯಾಗಿರುವ ಆಡವಾಲು ಮೀಕು ಜೊಹ್ರಾಲು ಸಿನಿಮಾದಲ್ಲಿ ಓರ್ವ ಮದುಮಗಳಾಗಿ ಹೆಣ್ಣು ಎದುರಿಸುವ ಸವಾಲುಗಳನ್ನು ತೋರಿಸಲಾಗಿದೆ ಆದ್ದರಿಂದ ಮುಂದಿನ ಜನ್ಮದಲ್ಲಿ ಗಂಡಾಗಿ ಹುಟ್ಟಲು ಬಯಸುತ್ತೇನೆ ಎಂದಿದ್ದಾರೆ…

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಮರಳಿ ಮನಸಾಗಿದೆ ಧಾರಾವಾಹಿಯ ವೈಷ್ಣವಿಯಾಗಿ ಕಿರುತೆರೆಯಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಶುರು ಮಾಡಿದ ಶಿಲ್ಪಾ ಶೆಟ್ಟಿ ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು ತಾಲೂಕಿನವರು. ಬಾಲ್ಯದಿಂದಲೂ ನಟನೆಯತ್ತ ವಿಶೇಷ ಒಲವು ಹೊಂದಿದ್ದ ಶಿಲ್ಪಾ ಅವರಿಗೆ ನಟಿಯಾಗಬೇಕು ಎಂಬುದೇ ಜೀವನದ ಬಯಕೆ. ಶಾಲಾ ದಿನಗಳಿಂದಲೇ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಮುಂದಿದ್ದ ಈಕೆ ನಾಟಕಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಾಕೆ. ಐ.ಕೆ.ಬೊಳುವಾರು ಹಾಗೂ ಮೋಹನ್ ಸೋನಾ ಅವರಿಂದ ನಟನೆಯ ಆಗು ಹೋಗುಗಳನ್ನು ಅರಿತುಕೊಂಡ ಶಿಲ್ಪಾ ಶೆಟ್ಟಿಮಳೆಹಕ್ಕಿ, ಐನ್ ಸ್ಟೈನ್, ಚಂದ್ರಮ ವೃತ್ತಾಂತ ಸೇರಿದಂತೆ ಒಂದಷ್ಟು ನಾಟಕಗಳಲ್ಲಿ ಬಣ್ಣ ಹಚ್ಚಿದರು. ಮುಂದೆ ಮಾಡೆಲಿಂಗ್ ನತ್ತ ಮುಖ ಮಾಡಿದ ಪುತ್ತೂರಿನ ಬೆಡಗಿ ಒಂದಷ್ಟು ಫ್ಯಾಷನ್ ಶೋಗಳಲ್ಲಿ ಕ್ಯಾಟ್ ವಾಕ್ ಮಾಡಿದರು. ಮಾಡೆಲಿಂಗ್ ನ ನಂತರ ನಟನೆಯತ್ತ ಹೊರಳುವ ನಿರ್ಧಾರ ಮಾಡಿದ ಶಿಲ್ಪಾ ಶೆಟ್ಟಿ ಸಹಜವಾಗಿ ಆಡಿಶನ್ ಗಳಲ್ಲಿ ಭಾಗವಹಿಸಲಾರಂಭಿಸಿದರು. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಎರಡು ಕನಸು ಧಾರಾವಾಹಿಯಲ್ಲಿ ಸಹಜ ಆಗಿ ಅಭಿನಯಿಸುತ್ತಿರುವ ಮೂಲಕ ಕಿರುತೆರೆಯಲ್ಲಿ ನಟಿಸುವ ಸುವರ್ಣಾವಕಾಶ ಪಡೆದುಕೊಂಡರು. ಮೊದಲ ಧಾರಾವಾಹಿಯಲ್ಲಿಯೇ ನಟನೆಯ ಮೂಲಕ ಮನೆ ಮಾತಾದ ಶಿಲ್ಪಾ ಶೆಟ್ಟಿ ನಂತರ ಕಾಲಿಟ್ಟಿದ್ದು ಕೋಸ್ಟಲ್ ವುಡ್ ಗೆ. ತುಳುವಿನ ಗಿರ್ ಗಿಟ್ಲೆ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸುವ ಮೂಲಕ ಕೋಸ್ಟಲ್ ವುಡ್ ನಲ್ಲೂ ಕಮಾಲ್ ಮಾಡಿದ ಶಿಲ್ಪಾ ನ್ಯೂರಾನ್ ಸಿನಿಮಾದಲ್ಲಿ ಬಣ್ಣ ಹಚ್ಚುವ ಮೂಲಕ ಸ್ಯಾಂಡಲ್ ವುಡ್ ಗೆ ಪಾದಾರ್ಪಣೆ ಮಾಡಿದರು. ನಂತರ ರಮೇಶ್ ಅರವಿಂದ್ ನಿರ್ದೇಶಿಸಿ ನಟಿಸಿರುವ ನ್ಯೂರಾನ್ ಸಿನಿಮಾದಲ್ಲಿ ಪೋಷಕ ಪಾತ್ರದಲ್ಲಿ ನಟಿಸಿದರು. ಡಾರ್ಲಿಂಗ್ ಕೃಷ್ಣ ಅಭಿನಯದ ಶುಗರ್ ಫ್ಯಾಕ್ಟರಿ ಸಿನಿಮಾದಲ್ಲಿ ನಟಿಸುತ್ತಿರುವ ಶಿಲ್ಪಾ ಶೆಟ್ಟಿ ಅವರು ಹಿರಿತೆರೆಯ ಜೊತೆಗೆ ಕಿರುತೆರೆಯನ್ನು ಬ್ಯಾಲೆನ್ಸ್ ಮಾಡುತ್ತಿದ್ದಾರೆ.

ರೌಡಿ ಬೇಬಿ ಸಿನಿಮಾ ಮೂಲಕ ಸ್ಯಾಂಡಲ್ ವುಡ್ ಗೆ ಪಾದಾರ್ಪಣೆ ಮಾಡಿದ್ದ ಬಿಗ್ ಬಾಸ್ ಬ್ಯೂಟಿ ದಿವ್ಯಾ ಸುರೇಶ್ ಈಗ ಮತ್ತೊಂದು ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಖ್ಯಾತ ಹಾಸ್ಯ ನಟ ಡಿಂಗ್ರಿ ನಾಗರಾಜ್ ಸುಪುತ್ರ ರಾಜವರ್ಧನ್ ನಟಿಸ್ತಿರುವ ಬಹುನಿರೀಕ್ಷಿತ ಹಿರಣ್ಯ ಸಿನಿಮಾದಲ್ಲಿ ದಿವ್ಯಾ ಸುರೇಶ್ ಬಣ್ಣ ಹಚ್ಚಲಿದ್ದಾರೆ. ವಿಶೇಷ ಪಾತ್ರದಲ್ಲಿ ದಿವ್ಯಾ ಸುರೇಶ್ ಪ್ರವೀಣ್ ಅವ್ಯುಕ್ತ್ ನಿರ್ದೇಶನದಲ್ಲಿ ಮೂಡಿ ಬರ್ತಿರುವ ಹಿರಣ್ಯ ಸಿನಿಮಾದಲ್ಲಿ ದಿವ್ಯಾ ಸುರೇಶ್ ವಿಶೇಷ ಪಾತ್ರದಲ್ಲಿ ನಟಿಸಲಿದ್ದಾರೆ. ರಾಜವರ್ಧನ್ ಹಾಗೂ ದಿವ್ಯಾ ಸುರೇಶ್ ಇಬ್ಬರು ಆತ್ಮೀಯ ಸ್ನೇಹಿತರು. ಇಬ್ಬರು ಒಟ್ಟಿಗೆ ನಟಿಸುವ ಅವಕಾಶ ಹಿರಣ್ಯ ಸಿನಿಮಾ ಮೂಲಕ ನನಸಾಗ್ತಿದೆ ಅನ್ನೋದು ಬಿಗ್ ಬಾಸ್ ಬ್ಯೂಟಿ ದಿವ್ಯಾ ಮಾತು. ಇದೇ 9 ರಿಂದ ದಿವ್ಯಾ ಸುರೇಶ್ ಭಾಗದ ಶೂಟಿಂಗ್ ಶುರುವಾಗ್ತಿದೆ. ಹಿರಣ್ಯ ಸಿನಿಮಾದಲ್ಲಿ ರಾಜವರ್ಧನ್ ಗೆ ನಾಯಕಿಯಾಗಿ ಮಾಡೆಲ್ ರಿಹಾನಾ ಕನ್ನಡಕ್ಕೆ ಪಾದಾರ್ಪಣೆ ಮಾಡುತ್ತಿದ್ದು, ವೇದಾಸ್ ಇನ್ಫಿನೈಟ್ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಪಕರಾದ ವಿಘ್ನೇಶ್ವರ ಯು ಮತ್ತು ವಿಜಯ್ ಕುಮಾರ್ ಬಿವಿ ಹಿರಣ್ಯ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ಚಿತ್ರಕ್ಕೆ ಯೋಗೇಶ್ವರನ್‌ ಆರ್‌ ಛಾಯಾಗ್ರಹಣವಿದೆ. ಚಿತ್ರದ ಹಾಡುಗಳಿಗೆ ಜ್ಯೂಡಾ ಸ್ಯಾಂಡಿ ಸಂಗೀತ ಸಂಯೋಜನೆಯಿದೆ.

ಬಾಲಿವುಡ್ ನ‌ ಬ್ಯೂಟಿ .ಮಂಗಳೂರಿನ ಕುವರಿ. ಬೆಂಗಳೂರಿನ ಬೆಡಗಿ ದೀಪಿಕಾ ಪಡುಕೋಣೆ …ಸಾಕಷ್ಟು ದಿನದ ನಂತ್ರ ಸಿನಿಮಾದ ಸಕ್ಸಸ್ ಅನುಭವಿಸುತ್ತಾ ಬೆಂಗಳೂರಿಗೆ ಬಂದಿದ್ದ ದೀಪಿಕಾ‌ಈಗ ಮತ್ತೆ ಗಂಡನ ಮನೆಗೆ ವಾಪಸ್ ಆಗಿದ್ದಾರೆ.. ಇನ್ಮು ವಾಪಸ್ ಆದ ದೀಪಿಕಾರನ್ನ ಮುಂಬೈ‌ನಲ್ಲಿ ನೋಡಿದ ಮಂದಿ ದೀಪಿಕಾ ಹಿಂಗ್ಯಾಕಾದ್ರು ಅಂತಿದ್ದಾರೆ…. ಅಷ್ಟಕ್ಕೂ ದೀಪಿಕಾ ಬಗ್ಗೆ ಈ ರೀತಿ ಮಾತ್ಯಾಕೆ ಅಂದ್ರೆ ದೀಪಿಕಾ ಇತ್ತೀಚಿನ ದಿನಗಳಲ್ಲಿ ತಮ್ಮ ಪತಿಯ ಸ್ಟೈಲ್ ಅನ್ನೇ ಕಾಪಿ ಮಾಡುತ್ತಿದ್ದಾರೆ..ಹೌದು ದೀಪಿಕಾ ಡ್ರಸ್ ಹಾಗೂ ಸ್ಟೈಲ್‌ಗೆ ಫಿದಾ ಆಗದವರಿಲ್ಲ…ಅಷ್ಟು ಚೆಂದ ಕಾಣ್ತಿದ್ರು ಡಿಂಪಿ ..ಆದ್ರೆ ಅದ್ಯಾಕೋ ಮದ್ವೆ ಆಗಿ ಕೆಲ ದಿನಗಳು ಕಳೆದ ಮೇಲೆ ರಣವೀರ್ ಸ್ಟೈಲ್ ಅನ್ನೇ ಕಾಪಿ ಮಾಡುತ್ತಿದ್ದಾರೆ… ಸದ್ಯ ಪಟಾನ್ ಸಿನಿಮಾದ ಚಿತ್ರೀಕರಣದಲ್ಲಿ ಭಾಗಿಯಾಗಿರುವ ದೀಪಿಕಾ‌ ಶೂಟಿಂಗ್ಗಾಗಿ ಸ್ಪೆನ್ ಗೆ ಪ್ರಯಾಣ ಬೆಳಸಿದ್ದಾರೆ…ಏರ್‌ಪೋರ್ಟ್ ‌ನಲ್ಲಿ ಕಂಪ್ಲೀಟ್ ರೆಡ್ ಅಂಡ್ ರೆಡ್ ಔಟ್ ಫಿಟ್ ನಲ್ಲಿ ಕಾಣಿಸಿಕೊಂಡು ಎಲ್ಲರಿಗೂ ಆಶ್ಚರ್ಯ ತರಿಸಿದ್ದಾರೆ…

ನಟಿ ಕಾಜಲ್ ಅಗರವಾಲ್ ಸದ್ಯ ಚೊಚ್ಚಲ ಮಗುವಿನ ನಿರೀಕ್ಷೆಯಲ್ಲಿ ಇದ್ದಾರೆ. ಫಿಟ್ ನೆಸ್ ಕುರಿತು ಆಸಕ್ತಿ ಹೊಂದಿರುವ ಕಾಜಲ್ ವರ್ಕೌಟ್ ಮಾತ್ರ ತಪ್ಪಿಸಿಕೊಳ್ಳುವುದಿಲ್ಲ. ಈಗ ಗರ್ಭಿಣಿಯರು ಮಾಡುವಂತಹ ವ್ಯಾಯಾಮ ಮಾಡುವುದರಲ್ಲಿ ಬ್ಯುಸಿಯಾಗಿದ್ದಾರೆ. ಪ್ರಗ್ನೆನ್ಸಿ ವೇಳೆ ಪ್ರತಿದಿನ ಮಾಡುವ ವರ್ಕೌಟ್ ವಿಡಿಯೋವನ್ನು ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ. ಲ್ಯಾವೆಂಡರ್ ಹ್ಯೂಡ್ ಸ್ಪೋರ್ಟ್ಸ್ ಬ್ರಾ ಧರಿಸಿ ಹಾಗೂ ಲೂಸ್ ಜಾಕೆಟ್ ಧರಿಸಿ ವಿವಿಧ ರೀತಿಯಲ್ಲಿ ವ್ಯಾಯಾಮ ಮಾಡುವ ಕಾಜಲ್ ಗರ್ಭಿಣಿಯರಿಗೆ ಏರೋಬಿಕ್ಸ್ ಹಾಗೂ ವ್ಯಾಯಾಮ ಬಹಳ ಮುಖ್ಯ ಎಂದು ಬರೆದುಕೊಂಡಿದ್ದಾರೆ. “ನಾನು ಯಾವಾಗಲೂ ಆಕ್ಟೀವ್ ಆಗಿರುತ್ತೇನೆ. ನನ್ನ ಇಡೀ ಜೀವನ ಕೆಲಸ ಮಾಡಿದ್ದೇನೆ. ಪ್ರೆಗ್ನೆನ್ಸಿಯಲ್ಲಿ ಯಾವುದೇ ತೊಂದರೆಗಳಿಲ್ಲದೇ ಇರಬೇಕೆಂದರೆ,ಆರೋಗ್ಯಕರವಾಗಿರಬೇಕೆಂದರೆ ಏರೋಬಿಕ್ಸ್ ಹಾಗೂ ಸ್ಟ್ರೆಂತ್ ಕಂಡಿಷನಿಂಗ್ ವ್ಯಾಯಾಮಗಳನ್ನು ಮಾಡಲು ಪ್ರೋತ್ಸಾಹಿಸಬೇಕು. ಟ್ರೈನರ್ ನನ್ವ ಪ್ರೆಗ್ನೆನ್ಸಿ ವೇಳೆ ಫಿಟ್ ಆಗಿರಲು ಸಹಾಯ ಮಾಡುತ್ತಿದ್ದಾರೆ. ಈ ವ್ಯಾಯಾಮ ನನಗೆ ಸ್ಟ್ರಾಂಗ್, ಲಾಗ್ ಹಾಗೂ ತೆಳ್ಳಗಿರುವ ಫೀಲ್ ನೀಡುತ್ತದೆ. ಈ ಸಮಯದಲ್ಲಿ ಏರೋಬಿಕ್ಸ್ ನಮ್ಮ ದೇಹ ಫಿಟ್ ಆಗಿರಲು ಸಹಾಯ ಮಾಡುತ್ತದೆ”ಎಂದಿದ್ದಾರೆ. ಹೊಸ ವರ್ಷದಂದು ಗೌತಮ್ ಕಿಚ್ಲು ಹಾಗೂ ಕಾಜಲ್ ಅಗರವಾಲ್ ತಾವು ತಂದೆ ತಾಯಿ ಆಗುತ್ತಿರುವ ವಿಷಯ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು.

ದಕ್ಷಿಣ ಭಾರತದ ಖ್ಯಾತ ನಟಿ ಜೆನಿಲಿಯಾ ತಿಂಗಳುಗಳ ಹಿಂದೆಯಷ್ಟೇ ತಮ್ಮದೇ ಬ್ಯಾನರ್ ನ ಅಡಿಯಲ್ಲಿ ಪತಿ ರಿತೇಶ್ ದೇಶ್ ಮುಖ್ ನಿರ್ದೇಶನದ ಮರಾಠಿ ಚಿತ್ರದಲ್ಲಿ ನಟಿಸುವ ಮೂಲಕ ನಟನಾ ಕ್ಷೇತ್ರಕ್ಕೆ ಮರಳಿದ್ದರು. ಅದು ಕೂಡಾ ಬರೋಬ್ಬರಿ ಹತ್ತು ವರ್ಷಗಳ ಬಳಿಕ! ಇದೀಗ ಜೆನಿಲಿಯಾ ಮತ್ತೊಂದು ಸಿಹಿ ಸುದ್ದಿ ನೀಡಿದ್ದಾರೆ. ಅದೇನೆಂದರೆ ಜೆನಿಲಿಯಾ ಇದೀಗ ಚಂದನವನಕ್ಕೂ ಕಾಲಿಡಲಿದ್ದಾರೆ. ಜನಾರ್ದನ ರೆಡ್ಡಿ ಪುತ್ರ ಕಿರೀಟಿ ಮೊದಲ ಬಾರಿಗೆ ಹೀರೋ ಆಗಿ ಕಾಣಿಸಿಕೊಳ್ಳುತ್ತಿರುವ ಚಿತ್ರದಲ್ಲಿ ಜೆನಿಲಿಯಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನು ತನ್ನ ಕಮ್ ಬ್ಯಾಕ್ ಕುರಿತು ಮಾತನಾಡಿರುವ ಜೆನಿಲಿಯಾ ” ಹತ್ತು ವರ್ಷಗಳ ನಂತರ ಮತ್ತೆ ಬಣ್ಣ ಹಚ್ಚುತ್ತಿರುವುದಕ್ಕೆ ಸಂತಸವಾಗುತ್ತಿದೆ. ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿದ್ದೇನೆ. ಇದು ನನದನ ಪಾಲಿನ ಸ್ಪೆಷಲ್ ಪ್ರಾಜೆಕ್ಟ್ ಹೌದು. ಇನ್ನು ಕಿರೀಟಿಗೆ ಇದು ಮೊದಲ ಸಿನಿಮಾ. ರಾಧಾಕೃಷ್ಣ ಅವರು ಬಹಳ ಚೆನ್ನಾಗಿ ಪಾತ್ರ ಬರೆದಿದ್ದಾರೆ. ಒಳ್ಳೆಯ ಸಿನಿಮಾ ಮೂಲಕ ಮರಳಿರುವುದು ಖುಷಿ ತಂದಿದೆ” ಎನ್ನುತ್ತಾರೆ ಜೆನಿಲಿಯಾ. 2008ರಲ್ಲಿ ತೆರೆಕಂಡ ಶಿವರಾಜ್ ಕುಮಾರ್ ಅಭಿನಯದ “ಸತ್ಯ ಇನ್ ಲವ್” ಚಿತ್ರದಲ್ಲಿ ನಟಿಸಿದ್ದ ಜೆನಿಲಿಯಾ ನಂತರ ಪರಭಾಷಾ ಚಿತ್ರಗಳಲ್ಲಿಯೇ ಬ್ಯುಸಿಯಾಗಿದ್ದರು. 2012ರಲ್ಲಿ ರಿತೇಶ್ ಅವರನ್ನು ಮದುವೆಯಾದ ಜೆನಿಲಿಯಾ ಗಂಡ, ಮಕ್ಕಳು, ಸಂಸಾರ ಎಂದು ಬ್ಯುಸಿಯಾಗಿದ್ದರು. ಸದ್ಯ ಬಣ್ಣದ ಲೋಕಕ್ಕೆ ಮರಳಿರುವ ಜೆನಿಲಿಯಾ ಕೈಯಲ್ಲಿ ಹಲವು ಚಿತ್ರಗಳಿರುವುದಂತೂ ನಿಜ.

ಬಾಲಿವುಡ್ ನ ಖ್ಯಾತ ನಟಿ ಶಿಲ್ಪಾ ಶೆಟ್ಟಿ ಅವರು ಮತ್ತೆ ನಟನಾ ಕ್ಷೇತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಹೌದು, 14 ವರ್ಷಗಳ ಸುದೀರ್ಘ ಗ್ಯಾಪ್ ನ ನಂತರ ಮತ್ತೆ ಸಿನಿಮಾ ರಂಗದತ್ತ ಮುಖ ಮಾಡಿದ್ದ ಶಿಲ್ಪಾ ಶೆಟ್ಟಿ 2021ರಲ್ಲಿ ತೆರೆ ಕಂಡ ಹಂಗಾಮಾ 2 ಮೂಲಕ ಸೆಕೆಂಡ್ ಇನ್ನಿಂಗ್ಸ್ ಶುರು ಮಾಡಿದರು‌. ಇದೀಗ ತಮ್ಮ ಮುಂದಿನ ಚಿತ್ರವನ್ನು ಘೋಷಿಸಿದ್ದು ಆ ವಿಚಾರವನ್ನು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ಸಿನಿಮಾ “ಸುಖಿ”ಎಂಬ ಶೀರ್ಷಿಕೆ ಹೊಂದಿದ್ದು ಸೋನಾಲ್ ಜೋಶಿ ನಿರ್ದೇಶಿಸಲಿದ್ದಾರೆ. ಟಿ -ಸಿರೀಸ್ ಹಾಗೂ ಅಬುಂಡಾಟಿಯಾ ಎಂಟರ್ಟೈನ್ಮೆಂಟ್ ಈ ಚಿತ್ರಕ್ಕೆ ಬಂಡವಾಳ ಹೂಡಲಿದೆ. ಮಹಿಳಾ ಪ್ರಧಾನ ಸಿನಿಮಾದಂತೆ ಕಾಣುವ ಸುಖಿ ಸಿನಿಮಾದ ಪೋಸ್ಟರ್ ನ್ನು ಶಿಲ್ಪಾ ಶೆಟ್ಟಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಅಂದ ಹಾಗೆ ಇನ್ ಸ್ಟಾಗ್ರಾಂನಲ್ಲಿ ಬೂಮರಾಂಗ್ ವಿಡಿಯೋ ಹಂಚಿಕೊಂಡಿರುವ ಶಿಲ್ಪಾ ಶೆಟ್ಟಿ ಅದರಲ್ಲಿ ಶಿಲ್ಪಾ ಅವರು ಕ್ಲಾಪ್ ಬೋರ್ಡ್ ಹಿಡಿದುಕೊಂಡಿರುವ ದೃಶ್ಯ ಕೂಡಾ ಕಾಣಬಹುದು. ಜೊತೆಗೆ ” ಹೊಸ ಚಿತ್ರ, ಹೊಸ ಪ್ರಯಾಣ, ಹೊಸ ಪಾತ್ರ – ಸುಖಿ” ಎಂದು ಬರೆದುಕೊಂಡಿದ್ದಾರೆ. ಅಂದ ಹಾಗೇ ಶಿಲ್ಪಾ ಅವರ ಈ ಪ್ರಾಜೆಕ್ಟ್ ಗೆ ಅಭಿಮಾನಿಗಳ ಕಡೆಯಿಂದ ಶುಭಾಶಯಗಳ ಮಹಾಪೂರವೇ ಸುರಿದುಬಂದಿದೆ. ನಟನೆಯ ಹೊರತಾಗಿ ತಮ್ಮ ಫಿಟ್ನೆಸ್ ನಿಂದಾಗಿಯೂ ಗಮನ ಸೆಳೆದಿರುವ ಶಿಲ್ಪಾ ಶೆಟ್ಟಿ ಸದ್ಯ “ಇಂಡಿಯಾಸ್ ಗಾಟ್ ಟ್ಯಾಲೆಂಟ್” ಎನ್ನುವ ರಿಯಾಲಿಟಿ ಶೋ ವಿನ ತೀರ್ಪುಗಾರರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಕನ್ನಡ ಸಿನಿಮಾರಂಗದ ಪ್ರತಿಭಾನ್ವಿತ ನಟ ಹಾಗೂ ನಿರ್ದೇಶಕ ರಿಷಬ್ ಶೆಟ್ಟಿ ..ಇತ್ತೀಚೆಗಷ್ಟೇ ಪತ್ನಿಗೆ ಸೀಮಂತ ಮಾಡಿ ಸಂಭ್ರಮಿಸಿದ್ದರು…ಸದ್ಯ ರಿಷಬ್ ಶೆಟ್ಟಿ ಅವರ ಮನೆಗೆ ಎರಡನೆ ಮಗುವಿನ ಆಗಮನವಾಗಿದೆ .. ಹೌದು ಈಗಾಗಲೇ ಮುದ್ದು ಮಗನನ್ನ ಎತ್ತಿ‌ ಆಡಿಸಿರುವ ರಿಶಬ್ ಶೆಟ್ಟಿಗೆ ಈಗ ಮಗಳನ್ನ ಆಡಿಸುವ ಸಮಯ…ಹೌದು ರಿಷಬ್ ಶೆಟ್ಟಿಯ ಪತ್ನಿ ಪ್ರಗತಿ ಶೆಟ್ಟಿ ಎರಡನೇ ಮಗುವಿಗೆ ಜನ್ಮ ನೀಡಿದ್ದಾರೆ… ಹೆಣ್ಣು ಮಗುವಿನ ಆಗಮನದಿಂದ ರಿಷಬ್ ಶೆಟ್ಟಿ ಮನೆಯಲ್ಲಿ ಸಂಭ್ರಮ ಜೋರಾಗಿದೆ .. ಈ ವಿಚಾರವನ್ನು ಸಾಮಾಜಿಕ ಜಾಲತಾಣದ ಮೂಲಕ ನಟ ಹಾಗೂ ನಿರ್ದೇಶಕ ರಿಷಬ್ ಶೆಟ್ಟಿ ತಿಳಿಸಿದ್ದು ಮಗಳು ಹಾಗೂ ತಾಯಿ ಇಬ್ಬರೂ ಆರೋಗ್ಯವಾಗಿದ್ದಾರೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ …

ಸೋಶಿಯಲ್ ಮೀಡಿಯಾದಲ್ಲಿ ಸದಾ ಆಕ್ಟಿವ್ ಆಗಿ ಮನರಂಜಿಸುವ ನಟಿ ದಿಶಾ ಮದನ್ ಸಿಹಿ ಸುದ್ದಿ ನೀಡಿದ್ದಾರೆ.‌ ಗರ್ಭಿಣಿಯಾಗಿದ್ದ ದಿಶಾ ಮದನ್ ಮಾರ್ಚ್ ಒಂದರಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಸಂತಸದ ಸುದ್ದಿಯನ್ನು ಹಂಚಿಕೊಂಡಿರುವ ದಿಶಾ ಮದನ್ ಮುದ್ದು ಮಗಳ ಹೆಸರನ್ನು ಕೂಡಾ ಬಹಿರಂಗಗೊಳಿಸಿರುವುದು ವಿಶೇಷ. ಮಗುವಿಗೆ ಜನ್ಮ ನೀಡುವ ಸಮಯ ಹತ್ತಿರವಿದ್ದಾಗಲೂ ಸ್ವತಃ ಕಾರ್ ಡ್ರೈವ್ ಮಾಡಿಕೊಂಡು ಹೋಗಿರುವ ದಿಶಾ ಈ ಬಗ್ಗೆ ವಿಶೇಷ ವಿಡಿಯೋ ಮಾಡಿಕೊಂಡು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಆ ವಿಡಿಯೋದಲ್ಲಿ ಕಾರು ಚಲಾಯಿಸುತ್ತಿರುವ ದಿಶಾ ಮದನ್ ನಂತರ ಆಸ್ಪತ್ರೆಯಲ್ಲಿ ಅಡ್ಮಿಟ್ ಆಗುತ್ತಾರೆ. ದಿಶಾ ಮದನ್ ಹಾಗೂ ಪತಿ ಶಶಾಂಕ್ ವಾಸುಕಿ ಮುದ್ದು ಮಗುವಿನ ಆಗಮನಕ್ಕಾಗಿ ಕಾತರದಿಂದ ಕಾಯುವ ದೃಶ್ಯವೂ ಆ ವಿಡಿಯೋದಲ್ಲಿದೆ. ಅಷ್ಟು ಮಾತ್ರವಲ್ಲದೇ ವಿಡಿಯೋದ ಕೊನೆಯಲ್ಲಿ ಮೊದಲ ಮಗ ವಿಯಾನ್ ಕೈಯನ್ನು ಒಬ್ಬೊಬ್ಬರಾಗಿ ತೆರೆಯುತ್ತಾರೆ. ಸಂಪೂರ್ಣ ಕೈ ತೆರೆದಾಗ ಅಲ್ಲಿ ಮಾರ್ಚ್ 01 2022, ಇದು ಹೆಣ್ಣು ಮಗು ಎಂದು ಬರೆದಿರುವಂತಹ ಸೊಗಸಾದ ದೃಶ್ಯವನ್ನು ಕೂಡಾ ಈ ವಿಡಿಯೋ ಒಳಗೊಂಡಿದೆ. ಎಲ್ಲದಕ್ಕಿಂತಲೂ ಮುಖ್ಯವಾಗಿ ವಿಡಿಯೋದ ಕೊನೆಯಲ್ಲಿ ತಮ್ಮ ಬಾಳಿನ ಪುಟ್ಟ ಲಕ್ಷ್ಮಿಯ ಮುಖವನ್ನು ತೋರಿಸಿದ್ದು, ಆ ಮೂಲಕ ಹೆಣ್ಣು ಮಗುವಿನ ಆಗಮನದ ವಿಚಾರವನ್ನು ಬಹಳ ಅಂದವಾಗಿ ಅನೌನ್ಸ್ ಮಾಡಿದ್ದಾರೆ. ಇನ್ನು ದಿಶಾ ಮದನ್ ಅವರು ಕೇವಲ ಮಗಳ ಮುಖ ತೋರಿಸುವುದು ಅಲ್ಲದೇ ಮಗಳ ಹೆಸರನ್ನು ಕೂಡಾ ರಿವೀಲ್ ಮಾಡಿದ್ದಾರೆ. ಮುದ್ದು ಮಗಳಿಗೆ ‘ಅವಿರಾ’ ಎಂದು ಹೆಸರಿಟ್ಟಿದ್ದು ತಂಗಿಯನ್ನು ವಿಯಾನ್ ಎತ್ತಿಕೊಂಡಿರುವ ಫೋಟೋವನ್ನು ಸಹ ವೀಡಿಯೋದಲ್ಲಿ ಹಂಚಿಕೊಂಡಿದ್ದಾರೆ. ಶಶಾಂಕ್ ವಾಸುಕಿ ಅವರನ್ನು ಮದುವೆಯಾಗಿರುವ ದಿಶಾ 2019ರಲ್ಲಿ ಗಂಡು ಮಗು ವಿಯಾನ್ ಗೆ ಜನ್ಮ ನೀಡಿದ್ದರು. ಮಗನ ಆಗಮನದ ನಂತರ ನಟನೆಯಿಂದ ದೂರವೇ ಇದ್ದ ದಿಶಾ ಸಾಮಾಜಿಕ ಜಾಲತಾಣದಲ್ಲಿ ಸದಾ ಆಕ್ಟಿವ್ ಆಗಿದ್ದರು. ಇನ್ನು ದಿಶಾ ಗರ್ಭಿಣಿಯಾದ ಮೇಲೆಯೂ ಕ್ರಿಯೇಟಿವ್ ವಿಡಿಯೋ ಹಾಗೂ ಡ್ಯಾನ್ಸ್ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿದ್ದರು. ಕುಲವಧು ಧಾರಾವಾಹಿಯಲ್ಲಿ ವಚನಾ ಪಾತ್ರದಲ್ಲಿ ನಟಿಸಿ ಮನೆಮಾತಾಗಿದ್ದ ದಿಶಾ ವೈಯಕ್ತಿಕ ಕಾರಣಗಳಿಂದ ಸೀರಿಯಲ್ ತೊರೆದಿದ್ದರು. ನಂತರ ಫ್ರೆಂಚ್ ಬಿರಿಯಾನಿ , ಒನ್ ಕಟ್ ಟು ಕಟ್ ಹಾಗೂ ಹಂಬಲ್ ಪೊಲೀಟಿಶಿಯನ್ ನೊಗರಾಜ್ ವೆಬ್ ಸಿರೀಸ್ ನಲ್ಲಿ ನಟಿಸಿದ್ದಾರೆ.