ಸಿಂಹ ಹಾಕಿದ ಹೆಜ್ಜೆ ಸಿನಿಮಾ ಮೂಲಕ ಸಿನಿರಂಗಕ್ಕೆ ಪರಿಚಿತರಾದ ಬ್ಯೂಟಿಫುಲ್ ಬೆಡಗಿ ಅಮೃತಾ ಅಯ್ಯಂಗಾರ್ ಗೆ ಹೆಸರು ತಂದು ಕೊಟ್ಟಿದ್ದು ಜೋಶಿತಾ ಪಾತ್ರ. ಲವದ ಮಾಕ್ಟೈಲ್ ಸಿನಿಮಾದಲ್ಲಿ ಜೋಶಿತಾ ಆಲಿಯಾಸ್ ಜೋ ಆಗಿ ನಟಿಸಿ ಸಿನಿಪ್ರಿಯರ ಮನ ಮನೆ ಗೆದ್ದ ಸುಂದರಿ ಅಮೃತಾ ಅಯ್ಯಂಗಾರ್ ಇದೀಗ ಲವ್ ಮಾಕ್ಟೈಲ್ 2 ರಲ್ಲಿಯೂ ನಟಿಸುತ್ತಿದ್ದಾರೆ.
ಲವ್ ಮಾಕ್ಟೈಲ್ 2 ಬಗ್ಗೆ ಕಾತುರರಾಗಿರುವ ಅಮೃತಾ “ನಾನು ನಿಜವಾಗಿಯೂ ನನ್ನ ಪಾತ್ರದ ಬಗ್ಗೆ ತುಂಬಾ ಹೆದರಿದ್ದೆ. ಸಿನಿಮಾ ರಿಲೀಸ್ ಆಗುವ ಹಿಂದಿನ ರಾತ್ರಿಯವರೆಗೂ ಜನ ನನ್ನ ಪಾತ್ರವನ್ನು ಯಾವ ರೀತಿ ತೆಗೆದುಕೊಳ್ಳುತ್ತಾರೋ ಎಂಬ ಭಯ ಇತ್ತು. ಯಾಕೆಂದರೆ ಜೋ ಪಾತ್ರ ನೆಗೆಟಿವ್ ಆಗಿ ಪ್ರಭಾವ ಬೀರಬಹುದೆಂಬ ಭಯ ಕೊಂಚ ಕಾಡಿತ್ತು” ಎನ್ನುತ್ತಾರೆ ಅಮೃತಾ.
“ನಾನು ನಟಿ ಎಂಬುದನ್ನು ಬದಿಗಿಟ್ಟು ಪ್ರೇಕ್ಷಕಿಯಾಗಿ ಸಿನಿಮಾ ನೋಡಿದಾಗ ತುಂಬಾ ಸಂತಸಪಟ್ಟೆ. ಆದರೂ ನನಗೆ ಈ ಸಿನಿಮಾ, ಈ ಪಾತ್ರ ಇಷ್ಟೊಂದು ಹಿಟ್ ಆಗಬಹುದೆಂಬ ಯೋಚನೆ ಇರಲಿಲ್ಲ. ಇನ್ನು ಲವ್ ಮಾಕ್ಟೈಲ್ ಸೀಕ್ವೆಲಿನಲ್ಲಿ ಅದೇ ಮುಗ್ಧತೆ ಕಾಣಬಹುದು. ಆದರೆ ಈಗ ಕಾಲ ಸರಿದಿದೆ. ಹೀಗಾಗಿ ಪಾತ್ರದಲ್ಲಿ ಪ್ರಬುದ್ಧತೆಯಿದೆ. ಮೊದಲ ಭಾಗದಲ್ಲಿದ್ದಂತೆ ಹತಾಶೆ ಇಲ್ಲಿಯೂ ಇದೆ” ಎಂದಿದ್ದಾರೆ.
“ಸಿನಿಮಾದ ಟ್ರೈಲರ್ ಈಗಾಗಲೇ ಬಿಡುಗಡೆಯಾಗಿದ್ದು ಅದು ಕೂಡಾ ಚೆನ್ನಾಗಿದೆ. ಅದರಲ್ಲಿ ಯಾವುದನ್ನೂ ಬಹಿರಂಗಪಡಿಸಿಲ್ಲ. ಇದು ಭಾವನೆಗಳ ಏರಿಳಿತ. ಫಸ್ಟ್ ಹಾಫ್ ನಗಿಸಿದರೆ , ಸೆಕೆಂಡ್ ಹಾಫ್ ಭಾವನಾತ್ಮಕವಾಗಿ ಇದೆ. ಭಾಗ ಒಂದರಲ್ಲಿ ಕ್ಲೈಮಾಕ್ಸ್ ನಲ್ಲಿ ಇರುವಂತಹ ಮೌನ ಹಾಗೂ ನೋವು ಇದರಲ್ಲಿಯೂ ಇದೆ. ಲವ್ ಸ್ಟೋರಿಗೆ ಸೀಕ್ವೆಲ್ ಮಾಡುವುದು ತುಂಬಾ ಕಷ್ಟ ಹಾಗೂ ದೊಡ್ಡ ಜವಾಬ್ದಾರಿ. ಕೃಷ್ಣ ತುಂಬಾ ಚೆನ್ನಾಗಿ ಸಿನಿಮಾ ಮಾಡಿದ್ದಾರೆ. 2022ರ ಬೆಸ್ಟ್ ಸಿನಿಮಾ ಆಗಿರಲಿದೆ” ಎಂದಿದ್ದಾರೆ ಅಮೃತಾ ಅಯ್ಯಂಗಾರ್.
- ಕೆಂಭಾವಿಯಲ್ಲಿ ಮೃತ್ಯುಕೂಪವಾದ ಕೃಷಿ ಹೊಂಡ
- ರಾಜ್ಯದಲ್ಲಿ ಆಡಳಿತ ಯಂತ್ರ ಕುಸಿದಿರುವುದಕ್ಕೆ ಕಲಾಪ ಸ್ಥಗಿತವೇ ಉತ್ತರ : ಶ್ರೀಧರ ಸಾಹುಕಾರ
- ಕ್ರೂಸರ್ ಹಾಗೂ ಬೈಕ್ ಮಧ್ಯೆ ಮುಖಾಮುಖಿ ಡಿಕ್ಕಿ, ಇಬ್ಬರ ಸಾವು..!
- ಕಲ್ಯಾಣ ಕರ್ನಾಟಕ ಮಟ್ಟದ ಶಟಲ್ ಬ್ಯಾಡ್ಮಿಂಟನ್ ಟೂರ್ನಮೆಂಟ್
- ನೂತನ ಕಾರ್ಯಕಾರಿಣಿ ಸದಸ್ಯ ಮುದ್ನಾಳ್ ಗೆ ಸನ್ಮಾನ * ಮಲ್ಲನಗೌಡ ಪಾಟೀಲ್ ಹೇಳಿಕೆಯುವಕರ ರಾಜಕೀಯ ಪ್ರವೇಶ ಅತ್ಯಗತ್ಯ
- ಬಡ, ಪ್ರತಿಭಾವಂತ ಮಕ್ಕಳು ಮೆಡಿಕಲ್ ಓದಬೇಕನ್ನುವುದು ನನ್ನಾಸೆ : ಸಚಿವ ಡಾ.ಶರಣಪ್ರಕಾಶ ಪಾಟೀಲ್
- ನ್ಯಾಯ ನಿಷ್ಠುರ ನಡೆಯ ಮುತ್ಸದ್ದಿ ಶಾಮನೂರ : ರಾಚನಗೌಡ ಮುದ್ನಾಳ
- ಚಾರಿತ್ರಿಕ ಸಿನೆಮಾಗಳು ಜನತೆಯ ಮನೋಧರ್ಮ ಬದಲಿಸಬಲ್ಲವು – ಡಾ.ಹೊನ್ಕಲ್
- ವೋಟ್ ಚೋರಿ ವಿರುದ್ಧ ಕಾಂಗ್ರೆಸ್ ನಿಂದ ಸಹಿ ಸಂಗ್ರಹ.
- ಎಣ್ಣಿ ಕುಡ್ಯಂಗ ಆಗ್ಯಾದ್ರಿ ಸಾಬ್ರೆ
